އޭޝިޔާ ބައްރުން ނިއުކްލިއަރ ހަތިޔާރު ނައްތާލުމުގެ މަޤްސަދުގައި ކޮންމެ އަހަރަކު ބާއްވާ ވަޒީރުންގެ ފެންވަރުގެ ބައްދަލުވުން ޖަޕާނުގެ ޓޯކިއޯގައި ފަށައިގެން ކުރިއަށް އެބަދެއެވެ.މި ބައްދަލުވުމުގައި 17 ގައުމެއް ބައިވެރިވާ ކަމަށް ޚަބަރު ލިބެއެވެ. މި ބައްދަލުވުން ފެށުމުގެ ގޮތުން ވާހަކަ ދައްކަވަމުން ޖަޕާނުގެ ޚާރިޖީ ވުޒާރާގެ އިސް އޮފިޝަލު ކަޒުޓޯޝީ އައިކަވާ ވިދާޅުވީ، މި ބައްދަލުވުމުގައި މައިގަނޑު ގޮތެއްގައި މަޝްވަރާތައް ކުރިއަށްދާނީ، އުތުރު ކޮރެއާއިން ކުރިއަށްގެންދާ ނިއުކްލިއަރ މަޝްރޫޢުތަކާއި، އެކަމާ ގުޅުން ހުރި ޓެސްޓްތަކާއި ބެހޭ ގޮތުން ކަމަށެވެ. އޭނާ ވިދާޅުވީ، އުތުރު ކޮރެއާއަކީ ސަރަޙައްދުގެ ގައުމުތަކަށް މުހިއްމު ގައުމެއް ކަމަށާ މިކަމާ ދެކޮޅަށް މިހާރުން މިހާރަށް ވެސް ފިޔަވަޅުތައް އަޅަން ޖެހޭ ކަމަށެވެ. މީގެ އިތުރުން، ހުސްވި ހަފްތާގައި އިންޑޮނޭޝިއާގެ ވެރިރަށް ޖަކާޓާއަށް ދިން ހަމަލާ ވެސް އޭނާ ފާހަގަކުރެއްވިއެވެ. އަދި މި ހާދިޘާއިން ދޭހަވަނީ މިފަދަ ހަމަލާތައް ދިނުމުގައި ޓެރަރިސްޓުން ކޮންމެ ސަރަހައްދީ ރޮނގެއް ހުރަސްކުރަން ވެސް ފަސްނުޖެހޭނެ ކަންކަމަށް ވެސް އައިކާވާ ވިދާޅުވިއެވެ.