ރިޝީ ކަޕޫރްގެ އަންހެނުން ނީތޫ ކަޕޫރް ފެނިގެންދާ "ޖުގް ޖުގް ޖިޔޯ"ގެ ފުރަތަމަ ޕޯސްޓަރު ދައްކާލައިފިއެވެ.
ފިލްމްގެ ފުރަތަމަ ޕޯސްޓަރާއި އެކު ވަރަށް އަވަހަށް ފުރަތަމަ ޓްރެއިލަރވެސް އާއްމުކުރާނެކަން ފިލްމުގެ ޕްރޮޑަކްޝަން ޓީމުން ވަނީ ބުނެފައެވެ. އާއިލީ ހާދިސާތަކެއްގެ މައްޗަށް ބިނާކޮށް އުފައްދާ މި ފިލްމުގެ ކާސްޓުންގެ ތެރޭގައި ނީތޫގެ އިތުރުން ދެން ހިމެނެނީ އަނިލް ކަޕޫރާއި ވަރުން ދާވަންއާ ކިއާރާ އަދްވާނީއެވެ. މީގެއިތުރުން އިންޑިއާ ޓީވީތަކުގައި މިހާރު އެންމެ މަޝްހޫރު ހޯސްޓް މަނީސް ޕައުލްވެސް މި ފިލްމުން ފެނިގެންދާނެއެވެ.
މީ ރިޝީ މަރުވި ފަހުން ނީތޫ ސްކްރީނުން ފެންނަ ފުރަތަމަ ފަހަރެވެ. ނީތޫ ބުނަމުން އަންނަނީ ރިޝީ މަރުވި ނަމަވެސް އޭނާ ގޭގައި އިނދެ ރޯން ބޭނުންނުވާކަމަށެވެ. އޭނާ ބޭނުންވަނީ ނުކުމެ ފިލްމީ މަސައްކަތުގައި އުޅެންކަމަށްވެސް ނީތޫ ވަނީ ބުނެފައެވެ.
Presenting the #JugJuggJeeyo FAMILY!
— Dharma Productions (@DharmaMovies) May 13, 2022
You’re invited to be a part of their family reunion that’ll leave you surprised.
Save the date: 24th June, in cinemas near you.
_________@karanjohar @apoorvamehta18 @AndhareAjit @AnilKapoor #NeetuKapoor @Varun_dvn @advani_kiara pic.twitter.com/6D4ADGYOto
ކަރަން ޖޯހަރުގެ ދަރްމާ ޕްރޮޑަކްޝަނުން ޕްރޮޑިއުސްކުރާ މި ފިލްމު ޑައިރެކްޓްކުރަނީ ރާޖް މެހެތާއެވެ. މި ފިލްމު ސިނަމާތަކަށް އަންނަނީ އަންނަމަހުގެ 24 ވަނަދުވަހުއެވެ.