ޓީވީ ތަރި އަދި ހޯސްޓް ޖޭ ބަނޫޝާލީ ފުރަތަމަ ފެނުނީ އެކްތާ ކަޕޫރުގެ "ކަސޯޓީ ޒިންދަގީ ކޭ" ގެ ސަޕޯޓިންގ ރޯލަކުންނެވެ.
ދާދިފަހުން ދިން އިންޓަވިއުއެއްގައި ޖޭ ބުނީ އޭނާގެ އެކްޓިން ދަތުރަކީ ފަސޭހަ ދަތުރެއް ނޫން ކަމަށެވެ. "ކަސޯޓީ ޒިންދަގީ ކޭ" ގެ އެ ރޯލު ލިބުމުގެ ކުރިން އޭނާ 2000 އަށް ވުރެ ގިނަ އޮޑިޝަން ދިން ކަމަށް ޖޭ ބުންޏެވެ.
ރަނގަޅު ލީޑް ރޯލެއް ލިބުމުގެ ކުރިން ޖޭ ކުޅެފައިވަނީ ކުދި ކުދި ރޯލުތަކެވެ. "ކަސޯޓީ" ގެ އިތުރުން "ދޫމް މަޗާއޯ ދޫމް" ގައިވެސް ޖޭ މަސައްކަތްކުރިއެވެ.
އޭގެފަހުން ޖޭ އަށް ލީޑް ރޯލެއް ލިބުނީ 2007 ވަނަ އަހަރު ދެއްކި އެކްތާ ކަޕޫރުގެ "ގަޔާމަތް" އިންނެވެ. "ގީތް ހުއީ ސަބްސޭ ޕަރާއީ"، "ކިސް ދޭޝް މޭ ހެ މެރާ ދިލް" އަކީވެސް ޖޭ ލީޑްރޯލުން ފެނުނު ފިލްމުތަކެވެ. 2007 ވަނަ އަހަރު ދެއްކި ރިއަލިޓީ ޝޯވ "ޖަލަކު ދިކުލާޖާ" ގައި ބައިވެރިވެ ޖޭ އަށްވަނީ ސެކަންޑް ރަނަރަޕް ކަންވެސް ލިބިފައެވެ.
ޓީވީ ސީރިޒްތަކުގައި މަސައްކަތްކުރުމުގެ އިތުރުން ޖޭ ވަނީ ވަރަށް ގިނަ ރިއަލިޓީ ޝޯތައްވެސް ހުށަހަޅައިދީފައެވެ. "ޑާންސް އިންޑިއާ ޑާންސް 3" "ޑާންސް އިންޑިއާ ޑާންސް ލިޓްލް މާސްޓާ 2"، "ޑާންސް ކޭ ސުޕަރ ކިޑްސް" އަދި "ސަރޭ ގަ މާ ޕާ" އާއި އިތުރު ޝޯތައްވެސް ޖޭ ވަނީ ހުށަހަޅައިދީފައެވެ.