"ރަޝްމީ ރޮކެޓް"، "ސޫރުމާ" އަދި "ސާންދް ކީ އާންކް" ފަދަ ސްޕޯޓްސް ފިލްމުތަކުގެ ވަރުގަދަ ކެރެކްޓާތަކުން ފެނުނު ތާޕްސީ ޕަންނޫ ދެން އެންމެ އަވަހަށް ފެންނާނީ ހަމަ ސްޕޯޓްސް ފިލްމެއްކަމަށްވާ "ޝާބާޝް މީތޫ" އިންނެވެ.
އަންހެން ކްރިކެޓް ކުޅުންތެރިޔާ މިތާލީ ރާޖްގެ ވާހަކަ ކިޔައިދޭ މި ފިލްމުގެ ޓްރެއިލާ މިހާރު ވަނީ ބެލުންތެރިންނަށް ދޫކޮށްލާފައެވެ.
ޓްރެއިލާގައި ދައްކަނީ އަންހެނަކަށް ވީތީ ކްރިކެޓް ކުޅުމުގައި ހުރި ގޮންޖެހުންތަކަށް ހިތްވަރާއިއެކު ތާޕްސީ ކުރިމަތިލާތަނެވެ. ކުޑައިރުއްސުރެ ކްރިކެޓަށް މަރުދޭ ތާޕްސީ ކުރިކެޓް ކުޅުމުގެ އުންމީދުގައި ޖެހެނީ ގެއިންވެސް ނިކުންނަންށެވެ.
You know the name, now get ready to see the story behind what makes Mithali a legend.
— taapsee pannu (@taapsee) June 20, 2022
Woman who redefined“The Gentleman’s game”
She created HERSTORY and I’m honoured to bring it to you#ShabaashMithu 15th JULY #ShabaashMithuTrailer #GirlWhoChangedTheGame https://t.co/kNhilpSbSf
ޓްރެއިލާ އާއި ބެހޭގޮތުން ތާޕްސީ ބުނީ ކްރިކެޓްގެ ލެޖެންޑަކަށް މިތާލީ ވީގޮތް ބަލަން ރެޑީގައި ތިބުމަށެވެ.
މި ފިލްމު ސިނަމާތަކުގައި އަޅުވާނީ އަންނަ ޖުލައި މަހުގެ 15 ވަނަ ދުވަހުއެވެ.
މިތާލީއަކީ އިންޑިއާގެ އަންހެން ކްރިކެޓް ކުޅުންތެރިންގެ ތެރެއިން މިހާތަނަށް ދެ ފަހަރަށް ގައުމީ އަންހެން ކްރިކެޓް ޓީމްގެ ކެޕްޓަންކަން ކުރަން ލިބުނު ހަމައެކަނި ކުޅުންތެރިޔާ ވެސް މެ އެވެ. ކްރިކެޓްގެ މައިދާނުގައި އޭނާ ވަނީ ވަރަށް ފާހަގަކޮށްލެވޭ ކާމިޔާބީތަކެއް ހޯދާފައެވެ. ވިއާކޮމް 18 އިން ޕްރޮޑިއުސްކުރާ މި ފިލްމުގެ ޑައިރެކްޓަރަކީ ސްރިޖީތް މުކަރްޖީއެވެ.
ތާޕްސީގެ ކުރިއަށްހުރި ފިލްމުތަކުގެ ތެރޭގައި އަޖޭ ބާލް ޑައިރެކްޓުކޮށް މިއަހަރު ރިލީޒްކުރަން ހަމަޖެހިފައިވާ "ބްލާ"، އަނޫރާގް ކަޝަޕް ޑައިރެކްޓުކޮށް އަންނަ އޮކްޓޫބަރު މަހު ރިލީޒްކުރާ "ދޮބާރާ"، ހަމަ އެ މަހު ރިލީޒްކުރާ ރާޖްކުމާރު ހިރާނީގެ "ޑަންކީ" އަދި ޕްރަކާޝް ރާޖް ޑައިރެކްޓުކޮށް އަންނަ ޑިސެމްބަރުމަހު ރިލީޒްކުރަން ހަމަޖެހިފައިވާ "ތަޅްކާ" ހިމެނެއެވެ.