ނަޒާހަތްތެރިކަމުގެ ޤައުމީ ވައުދުގައި މިއަހަރުތެރޭގައި ހުރިހާ ސިވިލް ސާވަންޓުން ސޮއިކުރައްވާ ގޮތަށް ރާއްވަވާފައިވާކަމަށް އެންޓިކޮރަޕްޝަން ކޮމިޝަނުން ވިދާޅުވެއްޖެއެވެ.އޭ.ސީ.ސީން މިކަން ހާމަކުރެއްވީ ނަޒާހަތްތެރިކަމާއެކު މަސައްކަތް ކުރައްވައި، ކޮރަޕްޝަނަށް ނޫނެކޭ ބުނުމުގެ ގޮތުން ނަޒާހަތްތެރިކަމުގެ ޤައުމީ ވައުދުގައި ސިވިލް ސަރވިސް ކޮމިޝަނުގެ މެންބަރުންނާއި، މުވައްޒަފުން ސޮއިކުރެއްވުމަށް މިއަދު ބޭއްވި ރަސްމިއްޔާތުގައެވެ.އެންޓި ކޮރަޕްޝަން ކޮމިޝަނުގެ ނޭޝަނަލް އިންޓަރގްރިޓީ ޕްލޭންގެ ދަށުން ފައްޓަވާފައިވާ މަސައްކަތްތަކުގެ ތެރެއިން ނަޒާހަތްތެރިކަމުގެ ޤައުމީ ވައުދުގައި ދައުލަތުގެ ހުރިހާ މުއައްސަސާއެއްގެ މުވައްޒަފުންނާއި، އާންމު ފަރާތްތަށްވެސް ސޮއިކުރެއްވުމަށް ވަނީ ހަމަޖެހިފައެވެ. އޭ.ސީ.ސީގެ މެންބަރު އައިމިނަތު މިންނާ ވިދާޅުވީ، އެކޮމިޝަނުން އުންމީދުކުރައްވަނީ، ދައުލަތުގެ ހުރިހާ މުއައްސަސާތަކާއި އިދާރާތަކުގެ އިތުރުން އާންމު ފަރާތްތަކުން ނަޒާހަތްތެރިކަމުގެ ޤައުމީ ވައުދުގައި ސޮއިކުރައްވައި ދިވެހިރާއްޖެއަކީ، ކޮރަޕްޝަނުން ސަލާމްތްވެފައިވާ ޤައުމަކަށް ކުރިއަށް އޮތްތަނުގައި ވެގެންދިއުން ކަމަށެވެ.އެންޓިކޮރަޕްޝަން ކޮމިޝަނުން ވިދާޅުވީ މިހިނގާ 2016 ވަނަ އަހަރަށް ބަހާލައިގެން ރާއްޖޭގެ ހުރިހާ ހިސާބެއްގައި ނަޒާހަތްތެރިކަމުގެ ޤައުމީ ވައުދުގައި ސޮއިކުރުމުގެ މަސައްކަތް ކުރިއަށް ގެންދަވާނެ ކަމަށެވެ.