މިހާރު ރާއްޖޭގައި ހަރަކާތްތެރި ވަމުންގެންދަވާ ކޮމަންވެލްތު މިނިސްޓީރިއަލް އެކްޝަން ގްރޫޕް ސީމެގްގެ ވަފްދާ ޚާރިޖީ ވަޒީރު ދުންޔާ މައުމޫން މިއަދު ބައްދަލު ކުރައްވައިފިއެވެ.މިބައްދަލް ކުރެއްވުމުގައި މިނިސްޓަރ ދުންޔާވަނީ ކޮމަންވެލްތާއެކު ހަރުދަނާ ގުޅުންތަކެއް ކުރިޔަށް ގެންދިއުމަށް ސަރުކާރުން ބޭނުންވާކަމަށް ވިދާޅުވެފައެވެ.ސަރުކާރުގެ ދައުވަތަކަށް ރާއްޖެއައި ސީމެގް ވަފްދުގެ އިސް ބޭފުޅަކީ އެގްރޫޕްގެ ވައިސް ޗެއާމަން، ގަޔާނާގެ ނާއިބްރައީސް އަދި މިނިސްޓަރ އޮފް ފޮރިން އެފެއަރސް ކާރލް ގްރީނިޖްއެވެ. މި ވަފްދުގައި ދެން ހިމެނި ވަޑައިގަންނަވަނީ ކެންޔާގެ ކެބިނެޓް ސެކްރެޓަރީ ފޯ ފޮރިން އެފެއާސް އެންޑް އިންޓަރނޭޝަނަލް ޓްރޭޑް ޑރ އަމީނާ މުޙަންމަދު ، އަދި އިންޑިޔާގެ ފޮރިން ސެކްރެޓަރީ ޑރ ސުބްރަމާނިއަމް ޖަޔަޝަންކަރެވެ.މިދަތުރުގައި ސީމެގްގެ ވަފްދުން ސަރުކާރުގެ އިސްފަރާތްތަކާ ބައްދަލުކޮށް މަޝްވަރާތައް ކުރިޔަށް ގެންދިއުމަށްވަނީ ހަމަޖެހިފައެވެ.