ނުކުޅެދުންތެރިކަން ހުންނަ މީހުންގެ ޙައްޤުތައް ޙިމާޔަތްކުރާ ކައުންސިލަށް މެމްބަރުން އިންތިޚާބުކޮށް އިންތިޚާބުގެ ވަގުތީ ނަތީޖާ އިޢުލާންކުރައްވައިފިއެވެ.ވަގުތީ ނަތީޖާ އިޢުލާންކުރައްވާފައިވަނީ، ނުކުޅެދުންތެރިކަން ހުންނަ ފަރާތްތައް، ނުކުޅެދުންތެރިކަން ހުންނަ މީހުންގެ ޙައްޤުތައް ޙިމާޔަތްކުރާ ކައުންސިލްގައި ތަމްސީކުރާ މެމްބަރުންނާއި މަދަނީ ޖަމްޢިއްޔާ ތަމްސީލްކުރުމަށް ހޮވި މެމްބަރުންނެވެ.އިންތިޚާބުގެ ވަގުތީ ނަތީޖާއިން ދައްކާގޮތުން ކައުންސިލްގެ މެމްބަރުންގެ ގޮތުގައި ހޮވިފައިވަނީ 157 ވޯޓާއެކު މުޙައްމަދު މާޒިންއާއި 56 ވޯޓާއެކު އަޙުމަދު ނަޖީބެވެ. މި އިންތިޚާބުގައި ނުކުޅެދުންތެރިކަން ހުންނަ 242 ފަރާތަކުން ވޯޓްލާފައިވާ ކަމަށް ޖެންޑަރ މިނިސްޓްރީން ވިދާޅުވެއެވެ. މަދަނީ ޖަމްޢިއްޔާ ތަމްސީލްކުރުމަށް ހޮވިފައިވަނީ، މޯލްޑިވްސް އެސޯސިއޭޝަން އޮފް ފިޒިކަލް ޑިސޭބަލްސްއެވެ. މަދަނީ ޖަމްޢިއްޔާއެއް ހޮވުމަށް ބޭއްވި އިންތިޚާބުގައި 9 ޖަމްޢިއްޔާއަކުން ވޯޓްލާފައިވާކަމަށް އެމިނިސްޓްރީން ވިދާޅުވިއެވެ. ޑިސްއެބިލިޓީ ކައުންސިލްގެ މެމްބަރުންނަށް 5000 ރުފިޔާގެ އެލަވެންސެއް ދެވެއެވެ. އެ ކައުންސިލަކީ ނުކުޅެދުންތެރިކަން ހުންނަ މީހުންގެ ޙައްގުތައް ރައްކާތެރިކުރުމާއި މާލީ އެހީތެރިކަން ފޯރުކޮށްދިނުމުގެ ޤާނޫނުގެ ދަށުން އުފައްދާފައިވާ ކައުންސިލެކެވެ.