ރާއްޖޭގައި ހުންނަ ޖަޕާނުގެ އެންބަސީ ރަސްމީގޮތުން މިއަދު ހުޅުވައިފިއެވެ.ހެންވޭރު އާގޭގެ އަށްވަނަ ފަންގިފިލާގައި ހުންނަ ޖަޕާނުގެ އެންބަސީ ރަސްމީގޮތުން ހުޅުއްވައިދެއްވީ ރާއްޖޭގެ ފޮރިން ސެކެޓްރީ ޑރ ޢަލީ ނަޞީރާއި ޖާޕާނުގެ ޕާލިމަންޓްރީ ވައިސް މިނިސްޓަރ މަސަކާކޫ ހަމާޗީއެވެ. އެމްބަސީ ހުޅުވުމުގެ މިރަސްމިއްޔާތުގައި ޖަޕާނުން ޝްރީލަންކާއާއި ރާއްޖެއަށް ކަޑައަޅާފައި ހުންނަވާ ސަފީރު ކެނީޝީ ސުގަނުމާވެސް ބައިވެރިވެވަޑައިގެންނެވިއެވެ. ޖަޕާނުގެ އެންބަސީ ހުޅުވުމުގެ މުނާސަބަތުގައި ބާއްވާ ޚާޢްސަ ޙަފްލާއެއްވެސް މިރޭ ދަރުބާރުގޭގައި ބޭއްވުމަށް ވަނީ ހަމަޖެހިފައެވެ.ރައީސުލްޖުމްހޫރިއްޔާ ޢަބްދުﷲ ޔާމިން ޢަބްދުލްޤައްޔޫމް ވަނީ 2014ވަނަ އަހަރު ޖަޕާނުގެ ސަރުކާރުގެ ދަޢުވަތަކަށް ޖަޕާނަށް ރަސްމީ ދަތުރުފުޅެއް ކުރައްވާފައެވެ. ޖަޕާނާއި ރާއްޖެއަކީ ޒަމާނުއްސުރެ ގާތްގުޅުމެއް އޮންނަ ދެޤައުމެކެވެ. ޖަޕާނަކީ ރާއްޖޭގެ ތަރައްޤީގައި އިސް ރޯލެއް އަދާކުރައްވާ ޤައުމެކެވެ.ރާއްޖޭގެ ގިނަ ސްކޫލްތަކެއް ޢިމާރާތްކުރުމަށާއި، ރާއްޖެއަށް ދިމާވެފައިވާ އެކި ހިތާވަވެރި ޙާދިސާތަކުގައި ޖަޕާނުން ވަނީ ރާއްޖެއަށް އެކި ދާއިރާތަކުން އެހީތެރިކަން ދީފައެވެ.