ސިޔާސީ ޕާޓީތަކާއެކު ކުރިޔަށްގެންދެވި، މަޝްވަރާތައް އަލުން ފެއްޓެވުމަށް ރައީސުލްޖުމްހޫރިއްޔާ ޢަބްދުﷲ ޔާމީން ޢަބްދުލްޤައްޔޫމް މިއަދު ނިންމަވައިފިއެވެ.ސިޔާސީ ޕާޓީތަކާއެކު ކުރިޔަށްގެންދެވި މަޝްވަރާތަކަކީ، ޤައުމުގެ ބިނާކުރުމުގެ މަސައްކަތް ހަލުވިކޮށް، ރައްޔިތުންގެ އެއްބައިވަންތަކަން އިތުރުކުރުމަށްޓަކައި، ދިވެހިސަރުކާރުން އިސްނަންގަވައިގެން ފެއްޓެވި މަޝްވަރާތަކެކެވެ. މި މަޝްވަރާތަކަށް ދަޢުވަތު ފޮނުވުމާއި، މަޝްވަރާތައް ބޭއްވުމުގެ އިންތިޒާމްތައް ރައީސުލްޖުމްހޫރިއްޔާގެ އޮފީހުން ކުރިޔަށްއޮތް ދުވަސްތަކުގައި ކުރިޔަށް ގެންދަވާނެކަމަށް އެ އޮފީހުން މަޢުލޫމާތުދެއްވައެވެ.މި މަޝްވަރާތައް ކާމިޔާބުކަމާއެކު ކުރިޔަށްގެންގޮސް، ރައްޔިތުންނަށް ފައިދާކުރަނިވިފަދަ ނަތީޖާތަކެއް ޙާޞިލުކުރެއްވޭނޭކަމަށް ރައީސުލްޖުމްހޫރިއްޔާ އުންމީދުކުރައްވާކަމަށްވެސް ރައީސުލްޖުމްހޫރިއްޔާގެ އޮފީހުން ވިދާޅުވެއެވެ.