ހުޅުމާލޭގެ ބީޗް ސަރަޙައްދު މި އަހަރުގެ ތެރޭގައި ރަނގަޅު ފެންވަރަކަށް ތަރައްޤީކުރައްވަން ހަމަޖެހިފައިވާކަމަށް ހައުސިންގ ޑިވެލޮޕްމެންޓް ކޯޕަރޭޝަނުން ވިދާޅުވެއްޖެއެވެ.އެ ކޯޕަރޭޝަންގެ މެނޭޖިންގ ޑިރެކްޓަރ މުޙައްމަދު ސައިމަން ވިދާޅުވީ، މި މަޝްރޫޢުގެ ތެރޭގައި ހުޅުމާލެ ބީޗްގައި މިހާރު އޮތް ސްވިމިންގ އޭރިއާގައި އިތުރު ޕްލެޓްފޯމްތައް އެޅުމަށް ހަމަޖެހިފައިވާކަމަށެވެ. މީގެ އިތުރުން، މޫދު ކުޅިވަރަށް ޚާއްޞަ ސަރަޙައްދަކާއި، ރަނގަޅު ފެންވަރުގެ ފްރެންޗައިޒް ކެފޭއެއް އެތަނުގައި ހެދުމަށްވެސް ރާވާފައިވާކަމަށް ސައިމަން ވިދާޅުވިއެވެ.މިހާރު ކުރިއަށްދަނީ ރެޑްބުލް ޕާކް ހެދުމަށް ކަނޑައަޅުއްވާފައިވާ ސަރަޙައްދުގެ އަތިރިމައްޗަށްވާ ގޮތަށް އޮންނަ ސަރަޙައްދު ތަރައްޤީކުރެއްވުމާބެހޭ މަޝްވަރާތައްކަމަށް ސައިމަން ވިދާޅުވިއެވެ. އެތަން ތަރައްޤީވެގެން އަންނައިރު ކަސްރަތުކުރުމަށް ޚާއްޞަ ތަނަކާއި، ބީޗާ ގުޅުން ހުރި އިތުރު ކަންތައް ހިމަނުއްވާނެކަމަށް ސައިމަން ވިދާޅުވިއެވެ.