ދިވެހިރާއްޖޭގެ ސުޕްރީމް ކޯޓު / ފޮޓޯ: ޕީއެސްއެމް ފައިލް
ކުށެއްގެ ތުހުމަތުގައި ބަންދުކުރުރާ މީހުންގެ މައްސަލަތައް 48 ގަޑިއިރުގެ ތެރޭގައި އިސްތިއުނާފްކުރަންޖެހޭ ގޮތަށް ސުޕްރީމްކޯޓުން ނިންމަވައިފިއެވެ.އެކޯޓުން ނެރުއްވާވާފައިވާ ބަޔާނެއްގައި ވިދާޅުވެފައިވަނީ ފުރަތަމަ މަރްހަލާގެ ކޯޓްތަކާއި ޓްރައިބިއުނަލުން ނިންމާ ނިންމުންތައް މަތީ މަރްހަލާގެ ކޯޓްތަކުގައި އިސްތިއުނާފްކުރެވޭ މުއްދަތަކީ 10 ދުވަސްކަމުގައި ވީނަމަވެސް، ކުށެއްގެ ތުހުމަތުގައި ބަންދުކުރާ މީހާގެ މައްސަލަތަކުގައި އެގޮތަށް އަމަލުކުރަން ނުޖެހޭކަމަށެވެ. މި ގޮތޮތުން ކުށެއްގެ ތުހުމަތުގައި ބަންދުކުރެވޭ މީހުން ދޫކޮށްލުމަށް ދަށުކޯޓުން ކުރާ އަމުރުތައް 48 ގަޑިއިރުތެރޭ އިސްތިއުނާފްކުރަންޖެހޭނެކަމަށް ސުޕްރީމްކޯޓްގައި ސިޓީގައި ބަޔާންކުރައްވާފައިވެއެވެ. އަދި މި 48 ގަޑިރު ގުނާނީ ބަންދުދުވަސްތައް ނުހިމަނާކަމަށްވެސް ސުޕުރީމްކޯޓުން ވިދާޅުވެއެވެ.
ޚިޔާލު ފާޅުކުރުމަށް ކަނޑައެޅިފައިވާ ވަގުތު ހަމަވެއްޖެ، ޝުކުރިއްޔާ