އިންޑިއާގެ ޑިފެންސް މިނިސްޓަރ ރާޖްނާތުސިން ރަސްމީ ދަތުރުފުޅެއްގައި މާދަމާ ރާއްޖެ ވަޑައިގަތުމަށް ހަމަޖެހިއްޖެއެވެ.
އިންޑިއާގެ ޑިފެންސް މިނިސްޓްރީން ނެރުނު ބަޔާނެއްގައި ވިދާޅުވީ ރާޖްނާތު ސިންގް ރާއްޖެއައް ކުރައްވާ މި ދަތުރުފުޅަކީ 3 ދުވަހުގެ ރަސްމީ ދަތުރުފުޅެއްކަމަށެއެވެ. މިއީ ރާޖްނާތުސިން އިންޑިއާގެ ޑިފެންސް މިނިސްޓަރުކަމުގެ މަޤާމުގައި ހުންނަވައިގެން ރާއްޖެއަށް ކުރައްވާ ފުރަތަމަ ރަސްމީ ދަތުރުފުޅެވެ.
މި ދަތުރުފުޅުގައި ރާޖްނާތު ސިންގް ރާއްޖޭގެ ޑިފެންސް މިނިސްޓަރ މާރިޔާ އަހުމަދު ދީދީ އާއި މިނިސްޓަރ އޮފް ފޮރިން އެފެއާޒް މިސްޓަރ އަބްދުالله ޝާހިދާއި ބައްދަލުކުރައްވައި، މުހިއްމު މަޝްވަރާތަކެއް ބޭއްވެވުމަށް ވަނީ ހަމަޖެހިފައެވެ.
މި ދަތުރުފުޅުގައި އިންޑިއާގެ ޑިފެންސ މިނިސްޓަރ ރައީސުލްޖުމްހޫރިއްޔާ އިބްރާހިމް މުހައްމަދު ސާލިހުގެ އަރިހަށް އިހްތިރާމްގެ ޒިޔާރަތެއް ކުރައްވާނެއެވެ. މީގެއިތުރުން މޯލްޑިވްސް ނޭޝަނަލް ޑިފެންސް ފޯސަސްއަށް ފާސްޓް ޕެޓްރޯލް އުޅަނދަކާއި ލޭންޑިންގ ކްރާފްޓެއް ހަދިޔާ ކުރެއްވުމަށް ވަނީ ހަމަޖެހިފައެވެ. އަދި އިންޑިއާގެ އެހީގައި ރާއްޖޭގައި ހިނގަމުންދާ މަޝްރޫޢުތައް ކުރިއަށްދާ ގޮތްވެސް އެމަނިކުފާނު ބައްލަވާލެއްވުމަށް ހަމަޖެހިފައިވާކަމަށްވެސް އިންޑިއާގެ ދިފާއީ ވުޒާރާއިން ބުނެއެވެ.