ހުޅުމާލޭގައި ހުންނަ އެންސިސް މަސްފެކްޓްރީގެ ތެރޭގައި ޕިކަޕެއް ފަހަތަށް ޖެހުމުގެ ތެރޭގައި ހިނގި އެކްސިޑެންޓެއްގައި އެ ކުންފުނީގެ ބިދޭސީ މުވައްޒަފަކު މަރުވެއްޖެއެވެ.
މިއަދު މެންދުރުފަހު ހިނގި މި ހާދިސާގައި މަރުވެފައިވަނީ އެކުންފުނީގައި މަސައްކަތްކުރާ ބަނގްލަދޭޝް ރައްޔިތެއްކަމަށް ފުލުހުން ވިދާޅުވެއެވެ.
މި ހާދިސާ ހިނގާފައިވަނީ ކޮންޓެނަރެއްގައި ފިނިކޮށްފައި ހުރި މަސައްތަކެއް ޕިކަޕަށް އެރުވުމަށްޓަކައި ކޮންޓެއިނަރާއި ކައިރިކުރުމަށް ޕިކަޕް ފަހަތަށްޖެހި ވަގުތު އެދޭތެރޭގައި އެމީހާ ތާށިވެގެންކަމަށް އެންސިސް ކުންފުނިން ބުނެއެވެ. އަދި މި މިހާ ހޮސްޕިޓަލަށް ގެންދިޔައިރުވެސް މަރުވެފައިވާކަމަށް ހޮސްޕިޓަލާއި ހަވާލާދީ ފުލުހުން ވިދާޅުވެއެވެ.
މި މައްސަލައާއި ގުޅިގެން އެއްވެސް މީހަކު ފުލުހުންގެ ބެލުމުގެ ދަށަށް އަދި ގެނެސްފައިނުވާކަމަށް ފުލުހުން ވިދާޅުވެއެވެ. އަދި މި މައްސަލަ ތަޙްގީގްކުރައްވަމުންދާކަމަށްވެސް މޯލްޑިވްސް ޕޮލިސް ސާރވިސަސްއިން ވިދާޅުވެއެވެ.