72 އަހަރުގެ ދިވެހި ޙައްޖުވެރިއަކު ގެއްލިގެން ހޯދަނީ

ޙައްޖުގެ މަތިވެރި އަޅުކަމަށް ރާއްޖެއިން ދިޔަ މީހަކު ގެއްލިގެން ހޯދަމުންދާކަމަށް އިސްލާމިކް މިނިސްޓްރީން ވިދާޅުވެއްޖެއެވެ.

ޕީއެސްއެމްނިއުސްއަށް މައުލޫމާތު ދެއްވަމުން އިސްލާމިކް މިނިސްޓްރީގެ ސްޓޭޓް މިނިސްޓަރ މުޙައްމަދު އަނިލް ވިދާޅުވީ ގެއްލިގެން ހޯދަމުން ދަނީ އަލް ހަރަމިން ގްރޫޕްގެ 72 އަހަރުގެ ދިވެހި ފިރިހެނެއްކަމަށެއެވެ. އަދި އޭނާ ގެއްލިގެން ހޯދާތާ މިހާރު މީ 3 ވަނަ ދުވަސްކަމަށް ސްޓޭޓް މިނިސްޓަރ ވިދާޅުވިއެވެ. އަލް ހަރަމައިން ގްރޫޕްގެ ހަވާލުގައި ޙައްޖަށް ގޮސް ހުއްޓާ ގެއްލިގެން ހޯދަމުން ދަނީ، ރ.މާކުރަތު މުހައްމަދު ނަސީމް ޢަލީ ނަމަކަށް ކިޔާ މީހެކެވެ.

އަނީލް ވިދާޅުވީ އޭނާ ގެއްލިފައި ވަނީ އަރަފާތައް ދިޔުމުގެ ކުރިން މާއްކާގެ ގަޑިން 11 ޖަހާކަށް ހާއިރު ކަމަށެއެވެ. އޭނާ ހޯދުމުގެ މަސައްކަތް ކުރަމުން އަންނަކަން ފާހަގަކުރައްވާ އަނީލް ވިދާޅުވީ، ސަޢުދި ޢަރަބިއްޔާގެ ކަމާ ބެހޭ ފަރާއްތަކާއި ގުޅިގެން ވަކި ވަކި ހޮސްޕިޓަލްތައް ބަލާ އެޑްމިޓްކޮށްފައި އޮތްތޯވެސް ބަލަމުން އަންނަކަމަށެވެ.

"މުޠައްވިފުންގެ މުއައްސަސާގެ ބޭފުޅުއްނާއިވެސް އަޅުގަނޑުމެން އޭނާ ގެއްލުނުކަން އަރަފާތު ދުވަހުވެސް އިއްޔެވެސް މިއަދުވެސް ހިއްސާކުރިން. އޭނާ މައުލޫމާތު މިހާރު ވާނީ ސައުދީގެ އެމްބެސެޑާރ އާވެސް ހިއްސާކޮށްފައި"ސްޓޭޓް މިނިސްޓަރ ވިދާޅުވިއެވެ.