ކަނޑުގެ ދިރާސާތަކަށް ބޭނުން ކުރަމުން ދިޔަ ބޮޔެއް އޮޔާ ދާތީ، ސަމާލުވުމަށް އިލްތިމާސްކުރައްވައިފި

ކަނޑުގެ ދިރާސާތަކަށް ބޭނުން ކުރަމުން ދިޔަ ބޮޔެއް ކަނޑައިގެން ގޮސް އޮޔާ ދާތީ، މަސްވެރިންނާއި ކަނޑު ދަތުރުކުރާ ފަރާތްތަކުން މިކަމަށް ސަމާލުވުމަށް މޯލްޑިވްސް ނޭޝަނަލް ޑިފެންސް ފޯސްއިން އިލްތިމާސްކުރައްވައިފިއެވެ.

އެމްއެންޑީއެފްއިން ވިދާޅުވީ މިބޮއި އެންމެ ފަހުން ފެނިފައިވަނީ ހދ.މަކުނުދޫގެ ހުޅަނގު އުތުރުން 62 ނޯޓިކަލް މޭލު ބޭރުންކަމަށެވެ. އަދި، މި ބޮއި އޮޔާ ދަނީ އިރުދެކުނަށް ކަމަށްވެސް އެމްއެންޑީއެފުން ވިދާޅުވެއެވެ. އެހެންކަމުން ރޭގަނޑު މިސަރަހައްދުން ދަތުރުކުރާ ފަރާތްތަކުން ޚާއްޞަ ސަމާލުކަމެއް ދިނުމަށް އެމްއެންޑީއެފުން ވަނީ އިލްތިމާސްކުރައްވާފައެވެ.

މިބޮޔާ ބެހޭ އެއްވެސް މަޢުލޫމާތެއް ލިބިއްޖެނަމަ ލަސްނުކޮށް އެމްއެންޑީއެފް ކޯސްޓްގާޑުގެ ހިލޭގުޅޭ ނަންބަރު 191 ނުވަތަ 3395981 އަދި 3398898 ފޯނަށް ގުޅާ މައުލޫމާތު ހިއްސާކުރުމަށް އެމްއެންޑީއެފުންވަނީ އެދިވަޑައިގެންފައެވެ.