ކަޒަކިސްތާނުގެ މަޝްހޫރު ބްލޮގަރުން މެދުވެރިކޮށް ރާއްޖެ އިޝްތިހާރުކުރަނީ

މޯލްޑިވްސް މާކެޓިންގ އެންޑް ޕަބްލިކް ރިލޭޝަންސް ކޯޕަރޭޝަން، އެމްއެމްޕީއާރުސީން ކަޒަކިސްތާނުގެ މަޝްހޫރު ބްލޮގަރުން ރާއްޖެ ގެނެސް އެމީހުން މެދުވެރިކޮށް ރާއްޖެ އިޝްތިހާރުކޮށްފިއެވެ. މި މީހުން ރާއްޖެ އައިސްފައިވަނީ އޯގަސްޓް މަހު، 1 ހަފްތާގެ މުއްދަތަކަށެވެ. މި ގްރޫޕްގައި ހިމެނެނީ ކަޒަކިސްތާނުގެ 5 ބްލޮގަރުންނެވެ.

މި ދަތުރުގައި އެ ޓީމުން ވަނީ ރާއްޖޭގެ ތަފާތު ތަޖުރިބާތަކާއި، އުފެއްދުންތަކާއި މަޝްހޫރު ޚިދުމަތްތައް ތަޖުރިބާކޮށްފައެވެ. މި ގްރޫޕްގައި ހިމެނޭ 5 ބްލޮގަރުންގެ ސޯޝަލް މީޑީއާ ޕްލެޓްފޯމްތަކުގައި ވަނީ ރާއްޖޭގެ ރީތިކަމާއި ރާއްޖެއިން ފަތުރުވެރިންނަށް ލިބެންހުރި ތަޖުރިބާތައް ދައްކާލާފައެވެ. އަދި އިންސްޓްގްރާމް އާއި ޓިކްޓޮކް ފަދަ ޗެނަލްތަކުގައި ތިބި އެ ފަރާތްތަކުގެ އެތައް ހާސް ފޮލޯވަރުންނަށ،ް ރާއްޖޭގެ ހިތްގައިމު މަންޒަރުތައް އެ ފަރާތްތަކުން ޕްރޮމޯޓްކުރަމުން ގެންދާނެކަމަށް އެމްއެމްޕީއާރުސީން ބުނެއެވެ.

މި ޓީމުގައި ހިމެނޭ ބްލޮގަރުންގެ ޕްލެޓްފޯމްތަކުގައި ތިބި ފޮލޯވަރުންގެ އަދަދަށް ބަލާއިރ،ު މި ދަތުރުގައި އުފައްދ،ާ ޕޯސްޓްކުރާ ކޮންޓެންޓް މެދުވެރިކޮށް ރާއްޖެ ވަރަށް ގިނަ މީހުންނަށް އިޝްތިހާރުވެގެންދާނެކަމަށް އެމްއެމްޕީއާރުސީން ވަނީ ބުނެފައެވެ. ކޮންމެ ކޮންޓެންޓް ކްރިއޭޓަރަކު ވެސް ކޮންޓެންޓް އުފައްދާފައިވަނީ އެ މީހެއްގެ އަމިއްލަ ތަޖުރިބާ އާއި އިހުސާސްތަކުގެ މައްޗަށް ކަމަށް ވުމާއެކު ތަފާތު ގިނަ ކޮންޓެންޓް މި ދަތުރުގައި އެ ފަރާތްތަކުން ދައްކާލައިފައިވާކަމަށްވެސް އެމްއެމްޕީއާރުސީން ވަނީ ބުނެފައެވެ.

އެމްއެމްޕީއާރުސީން ބުނީ މި ދަތުރުގެ ސަބަބުން ސީއައިއެސް މާކެޓުގައި ރާއްޖޭގެ ބްރޭންޑް އިތުރަށް ހަރުދަނާވ،ެ އެ ސަރަހައްދުގައި އެންމެ މަޤްބޫލު މަންޒިލެއްގެ ގޮތުގައި ރާއްޖެ ޤާޢިމްކުރުމަށް އެހީތެރިވެދޭނެކަމަށެވެ. މި ފެމިލިއަލައިޒޭޝަން ދަތުރަކީ އެމްއެމްޕީއާރުސީން ސީއައިއެސް މާކެޓަށް ކަނޑައަޅާފައިވާ މާކެޓިން ސްޓްރެޓެޖީގެ ދަށުން ރާއްޖޭގެ ތަފާތު ތަޖުރިބާތައް އެ ސަރަހައްދުގެ ފަތުރުވެރިންނަށް ދައްކާލުމަށް ހިންގުނު މާކެޓިންގް ހަރަކާތެއްކަމަށް އެ ކުންފުނިން ވަނީ ބުނެފައެވެ.

ކަޒަކްސްތާނުގެ މާކެޓުން 2021 ވަނަ އަހަރު ރާއްޖެއަށް ޒިޔާރަތްކުރި ފަތުރުވެރިންގެ އަދަދު ވަނީ ކޮވިޑް19 ގެ ކުރިން އެ މާކެޓުން ޒިޔާރަތްކުރި ފަތުރުވެރިންގެ އަދަދަށް ވުރެ އިތުރުވެފައެވެ. އަދި މިހާރު ރާއްޖެއާ ކަޒަކިސްތާނާ ދެމެދު ކަނެކްޓިވިޓީ އިތުރަށް ރަނގަޅުވެފައި ވުމާއެކު، މި އަހަރު ނިމޭއިރު މި މާކެޓުން އަންނަ ފަތުރުވެރިންގެ އަދަދު ބޮޑުތަނުން އިތުރުވާނެކަމަށް އެމްއެމްޕީއާރުސީން ބުނެއެވެ. ޓޫރިޒަމް މިނިސްޓްރީގެ ތަފާސްހިސާބުތައް ދައްކާގޮތުން މިއަހަރުގެ ޖުލައި މަހުގެ ނިޔަލަށް އެ ޤައުމުން ރާއްޖެއަށް 12،192 ފަތުރުވެރިން ވަނީ ޒިޔާރަތްކޮށްފައެވެ.