ރައީސުލްޖުމްހޫރިއްޔާގެ އޮފީސް / ފޮޓޯ: ޕީއެސްއެމް
ޓެރަރިޒަމް މަނާކުރުމުގެ ޤާނޫނަށް 1 ވަނަ އިޞްލާޙު ގެނައުމުގެ ބިލު" ރައީސުލްޖުމްހޫރިއްޔާ ޢަބްދުﷲ ޔާމީން ޢަބްދުލްޤައްޔޫމް މިއަދު ތަޞްދީޤް ކުރައްވައިފިއެވެ.
މި ބިލު ތަޞްދީޤް ކުރެއްވުމާ ގުޅިގެން ދިވެހި ސަރުކާރުގެ ގެޒެޓްގައި ވަނީ ޝާއިޢު ކުރައްވާފައެވެ.
ޓެރަރިޒަމް މަނާކުރުމުގެ ޤާނޫނަށް ގެނެވުނު އިޞްލާޙާ ގުޅިގެން، މި ޤާނޫނުގެ ދަށުން ރައީސުލްޖުމްހޫރިއްޔާ އެކުލަވާލައްވާ ޓެރަރިސްޓް ޖަމާޢަތްތައް ކަމަށް ބެލެވޭ ޖަމާޢަތްތަކުގެ ލިސްޓު، ޤައުމީ ސަލާމަތާބެހޭ މަޖިލީހުގެ އިރުޝާދާއެކު ބަލަހައްޓަވާނީ ސިފައިންނެވެ.
ޓެރަރިޒަމް މަނާކުރުމުގެ ޤާނޫނަށް 1 ވަނަ އިޞްލާޙު ގެނައުމުގެ ބިލް މަޖިލީހުން ފާސްކުރައްވާފައިވަނީ މި މާރޗް މަހުގެ 16 ވަނަ ދުވަހުގައެވެ.
ޚިޔާލު ފާޅުކުރުމަށް ކަނޑައެޅިފައިވާ ވަގުތު ހަމަވެއްޖެ، ޝުކުރިއްޔާ