މެންބަރު ޚައިތަމް އެމްޑީޕީން ވަކިވެ، ކުރީގެ މެންބަރު ސިނާން އެމްޑީޕީއަށް
-
ސިނާން ވަނީ 18 ވަނަ މަޖިލީހުގެ މެންބަރުކަން ކުރައްވާފަ
-
މެންބަރުކަން ކުރެއްވީ ޕީޕީއެމް މެންބަރެއްގެ ގޮތުގަ
-
ފަހުން ހުންނެވީ އެމްއެންޕީގަ
-
ޚައިތަމް ވަނީ މިއަދު އެމްޑީޕީން ވަކިވެވަޑައިގެންފަ
ރައްޔިތުންގެ މަޖިލީހުގެ މައްޗަންގޮޅި އުތުރު ދާއިރާގެ ކުރީގެ މެންބަރު ޢަބްދުﷲ ސިނާން، ވެރިކަންކުރާ މައި ޕާޓީ އެމްޑީޕީއާއި ގުޅިވަޑައިގެންފިއެވެ. ނިމިދިޔަ އަށާރަވަނަ ރައްޔިތުންގެ މަޖިލީހުގައި އޭނާ އިންނެވީ ޕީޕީއެމްގެ މެންބަރެއްގެ ގޮތުގައެވެ.
ކުރީ ސަރުކާރުގައި ޕީޕީއެމުން ބައެއް މެންބަރުން ވަކިވެވަޑައިގަތުމުން ގޮނޑިގެއްލުނު 12 މެންބަރުންގެ ތެރޭގައިވެސް ސިނާނު ހިމެނިވަޑައިގަންނަވައެވެ. ސިނާންގެ މައްޗަށް، ރިޝަވަތު ހިފައި، ގާނޫނާ ޚިލާފަށް ސަރުކާރު ވައްޓާލަން މަސައްކަތް ކުރިކަމުގެ ތުހުމަތުގައި ޓެރަރިޒަމްގެ ދައުވާކޮށް ޖަލަށްވެސް ލިއެވެ.
ހިނގަމުންމިދާ 19 ވަނަ ރައްޔިތުންގެ މަޖިލީހަށްވެސް އަމިއްލަގޮތުން ސިނާން ވާދަކުރެއްވިއެވެ. ނަމަވެސް އިންތިޚާބު ކާމިޔާބު ނުކުރެވުނެވެ.
ސިނާން އެމްޑީޕީއާއި ގުޅިވަޑައިގަތީ އެމްއެންޕީގެ މެންބަރެއްގެ ގޮތުގައި ހުންނެވުމަށްފަހުއެވެ،.
ސިނާން އެމްޑީޕީއާއި ގުޅިވަޑައިގެންނެވި ފޯމާ ހަވާލުވެވަޑައިގަތީ، ޗެއަރޕާސަން ފައްޔާޟް އިސްމާޢީލެވެ.
މީގެ އިތުރުން އެމްޑީޕީގެ މެންބަރެއްގެ ގޮތުގައި އިންނެވި މައްޗަންގޮޅި ދެކުނު ދާއިރާގެ މެންބަރު އަހުމަދު ޚައިތަމް ވަނީ އެމްޑީޕީން ވަކިވެވަޑައިގެންފައެވެ. ޚައިޠަމް ވިދާޅުވީ އެމްޑީޕީން ވަކިވެވަޑައިގަތީ އެޕާޓީގެ އުސޫލުތައް ޤަބޫލު ނުކުރެވޭތީކަމަށެވެ.