ޕީއެންސީގެ ރައީސާއި ނައިބު ރައީސަކަށް އިންތިޚާބީ ރައީސާއި ނައިބު ރައީސް

ޕީޕަލްސް ނޭޝަނަލް ކޮންގްރެސް، ޕީއެންސީގެ ރައީސަކަށް އިންތިޚާބީ ރައީސް ޑރ.މުހައްމަދު މުއިއްޒު ހަމަޖައްސަވައިފިއެވެ.

ޕީއެންސީގެ ރައީސްކަމަށް ޑރ.މުހައްމަދު މުއިއްޒު ހަމަޖެއްސެވީ މިރޭ ބޭއްވި އެޕާޓީގެ މަޖިލީހުގެ ބައްދަލުވުމެއްގައެވެ.
މިބައްދަލުވުމުގައި ޕީއެންސީގެ ނައިބު ރައީސްކަމުގެ މަގާމަށް ހަމަޖެއްސެވީ އިންތިޚާބީ ނާއިބު ރައީސް ހުސައިން މުހައްމަދު ލަޠީފެވެ.

ރިޔާސީ އިންތިޚާބުގެ ކުރިން ހުސައިން މުހައްމަދު ލަޠީފާއި ހުންނެވީ ޕީޕީއެމްގައެވެ. އެހެންނަމަވެސް އިންތިޚާބުގައި ވާދަކުރެއްވީ ޕީއެންސީގެ ޓިކެޓްގައެވެ. އިންތިޚާބު ކާމިޔާބުކުރެއްވުމަށްފަހު ހުސައިން މުހައްމަދު ލަޠީފުވަނީ ޕީއެންސީއަށް ސޮއިކުރައްވާފައެވެ. ސަބަބަކީ ޕީއެންސީގެ އަސާސީ ގަވާއިދުގައިވާ ގޮތުން އެޕާޓީގެ ނަމުގައި ރިޔާސީ އިންތިޚާބަށް ވާދަކުރެވޭނީ ޕީއެންސީގެ މެމްބަރަކަށެވެ.

PNC ge Memberunge Majlis ge badhdhalu vumeh mirey vanee bavvafa.
Mi badhdhaluvumugai PNC ge Raees kamuge magaamah Inthikhaaby Raees @MMuizzu , Chairperson kamuge magaamah PNC ge Raees kamuge magaamugai hunnevi @Banafsaa , PNC ge Naibu Raees kamuge magaamah Inthikhaaby Naibu… pic.twitter.com/aw3X7D6v4f

— Progressive Party of Maldives (@ProgressPartyMV) October 4, 2023

ޕީއެންސީގެ ޗެއާޕާސަން ކަމަށް ކަނޑައެޅީ، އެ ޕާޓީގެ ކުރީގެ ރައީސް އަބްދުއްރަހީމް އަބްދުﷲއެވެ. މިތިން ބޭފުޅުން މިމަގާމުތަކަށް ހަަމަޖެއްސެވީ ބައްދަލުވުމުގައި ނެގި ވޯޓުގައި ބައިވެރިވި މެމްބަރުންގެ އިއްތިފާގުންނެވެ.