އެސްޓީއޯ އަދި އާބަންކޯގެ މެނޭޖިންގ ޑިރެކްޓަރ
ސްޓޭޓް ޓްރޭޑިންގ އޮގަނައިޒޭޝަން، އެސްޓޯގެ މެނޭޖިންގ ޑިރެކްޓަރަކަށް ޝިމާދު އިބްރާހިމް އައްޔަންކޮށްފިއެވެ.
މި މަގާމަށް ވަޑައިގަތުމާ ހަމައަށް ޝިމާދު ހުންނެވީ އެސްޓީއޯގެ ބޯޑު މެމްބަރެއްގެ ގޮތުގައެވެ. ޝިމާދު ވަނީ އެކައުންޓިން ދާއިރާއިން މަތީ ތައުލީމު ހާސިލުކުރައްވައިފައެވެ. އޭނާ ވަނީ ކުރިން ފިނޭންސް މިނިސްޓްރީގައި ވެސް މަސައްކަތް ކުރައްވާފައެވެ.
މީގެއިތުރުން އާބަންކޯގެ މެނޭޖިންގ ޑިރެކްޓަރުގެ މަޤާމަށް އައްޔަންކުރައްވާފައިވަނީ ފަޒުލް ރަޝީދެވެ.
ފެލިދޫ ދާއިރާގެ މެންބަރަކަށް ހުންނެވި، ފަޒުލް މިހާތަނަށް ހުންނެވީ ވެރިކަންކުރާ ޕާޓީ، ޕީއެންސީގެ ޕާލިމަންޓްރީ ގްރޫޕުގެ ލީޑަރުކަމުގައެވެ.
ފަޒުލްވަނީ ޕީޕީއެމްގެ ކުރީގެ ސަރުކާރުގައި އެމްޑަބްލިއުއެސްސީގެ މެނޭޖިންގ ޑިރެކްޓަރުކަމުގެ މަޤާމުވެސް އަދާކުރައްވާފައެވެ.
ޚިޔާލު ފާޅުކުރުމަށް ކަނޑައެޅިފައިވާ ވަގުތު ހަމަވެއްޖެ، ޝުކުރިއްޔާ