ދިވެހިރާއްޖެއަށް މަސްތުވާތަކެތި އެތެރެކުރި މައްސަލައެއްގެ ތުހުމަތުގައި 5 މީހަކު ހައްޔަރުކޮށްފިއެވެ.
މި މައްސަލައާ ގުޅިގެން ހައްޔަރުކޮށްފައިވަނީ ދިވެހި 4 ފިރިހެނުންނާއި ބަނގްލަދޭޝްގެ ފިރިހެނެއްކަމަށް ފުލުހުން މަޢުލޫމާތުދެއްވައެވެ.
މިއީ އުމުރުން 26 އަހަރާއި 41 އަހަރާއި 35 އަހަރާއި 25 އަހަރުގެ ދިވެހި 4މީހަކާއި، އުމުރުން 48 އަހަރުގެ ބަނގްލަދޭޝް މީހެއްކަމަށް ފުލުހުންހާމަކުރައްވައެވެ. މި މީހުން ހައްޔަރުކޮށްފައިވަނީ، ރާއްޖެއަށް ބަޔަކުމަސްތުވާތަކެތި ދިރުވާލައިގެން އެތެރެކޮށްފައިވާކަމުގެ މަޢުލޫމާތު މިދިޔަބުދަދުވަހު ފުލުހުންނަށް ލިބުމާ ގުޅިގެން ޑްރަގް އެންފޯސްމަންޓް ޑިޕާޓްމަންޓުންހިންގި އޮޕަރޭޝަނެއްގައެވެ. މިއޮޕަރޭޝަންގައި، މަސްތުވާތަކެތި އެތެރެކުރި ކަމަށް ތުހުމަތުކުރެވޭ މީހާފިހާރައެއްގައި ހުއްޓައި ފުލުހުންގެ ބެލުމުގެ ދަށަށްގެނެސް ބަލައި ފާސްކުރި އިރު، އޭނާ ލައިގެންހުރި ސޯޓުގެ ޖީބުން މަސްތުވާތަކެތި ކަމަށް ބެލެވޭ އެއްޗެއްހުރި ރަބަރު 2 ޕެކެޓް ފެނިފައިވާކަމަށް ފުލުހުން މަޢުލޫމާތުދެއްވައެވެ.
މީގެ އިތުރުން، މި މައްސަލާގައި ހިމެނޭކަމަށް ތުހުމަތު ކުރެވޭ އިތުރު މީހުންހައްޔަރުކޮށްފައިވަނީ ކޯޓު އަމުރެއްގެ ދަށުން މައްޗަންގޯޅީގައި ހުންނަ ގަރާޖެއް ކައިރިންކަމަށް ފުލުހުން ހާމަކުރައްވައެވެ. އަދި މި މީހުން ދިރިއުޅޭ، މއ.ސާދީވިލާގެ ކޯޓު އަމުރެއްގެ ދަށުން ބަލައި ފާސްކުރިއިރު މަސްތުވާތަކެތި ކަމަށްބެލެވޭ އެއްޗެއްހުރި 28 ބުލެޓް ފެނިފައިވާކަމަށްވެސް ފުލުހުން މަޢުލޫމާތުދެއްވައެވެ.
މި މީހުން ބަންދުގައި ބަހައްޓައިގެން ތަހުގީގު ކުރިއަށް ގެންދިއުމަށް 10ދުވަހުގެ މުއްދަތެއް ކޯޓުންވަނީ އިއްޔެ ދެއްވާފައެވެ.