ރައީސް އޮފީހުގެ ޑެޕިއުޓީ ނޭޝަނަލް ސެކިއުރިޓީ އެޑްވައިޒަރަކަށް ޙާމިދު ޝަފީޤް

ސިފައިންގެ ޚިދުމަތަށް ދިގު މުއްދަތަށް ޚިދުމަތްކުރެއްވުމަށްފަހު، ރިޓަޔަރކުރެއްވި ޙާމިދު ޝަފީޤު ރައީސުލްޖުމްހޫރިއްޔާގެ އޮފީހުގެ ޑެޕިއުޓީ ނޭޝަނަލް ސެކިއުރިޓީ އެޑްވައިޒަރަކަށް އައްޔަންކުރައްވައިފިއެވެ. އޭނާ އެ މަޤާމަށް އައްޔަންކުރެއްވީ މިނިސްޓަރުގެ ނައިބުގެ ފެންބަރުގައެވެ.

ސިފައިންގެ ޚިދުމަތުން ރިޓަޔަރ ކުރެއްވިއިރު ޙާމިސު ޝަފީޤް ހުންނެވީ މޭޖަރ ޖެނެރަލްގެ ރޭންކުގައެވެ.

ޙާމިދު ޝަފީޤް ސިފައިންގެ ޚިދުމަތާއި ގުޅިވަޑައިގަތީ 11 މަރޗް 1990ގައެވެ. ޙާމިދު ޝަފީޤު ރިޓަޔަރ ކުރެއްވިއިރު އަދާކުރައްވަމުންގެންދަވަނީ ކޮމަޑާންޓް އެމްއެންޑީއެފް ސަރވިސް ކޯރގެ މަޤާމެވެ. ޙާމިދު ޝަފީޤް ވަނީ 33 އަހަރަށްވުރެ ދިގު މުއްދަތަކަށް ސިފައިންގެއަށް ޚިދުމަތް ކުރައްވާފައެވެ. ސިފައިންގެ ވަޒީފާއިން ޙާމިދު ޝަފީޤް ޝަރަފުވެރިކަމާއެކު ރިޓަޔަރ ކުރެއްވީ މިދިޔަ އަންގާރަ ދުވަހުއެވެ.

ރައީސް އޮފީހުގެ ވެބްސައިޓުގައިވާ ގޮތުން ނޭޝަނަލް ސެކިއުރިޓީއާ ބެހޭ ޑެޕިއުޓީ އެޑްވައިޒަރުގެ މަގާމަށް ހާމިދު އައްޔަން ކުރެއްވީ ޑެޕިއުޓީ މިނިސްޓަރުންގެ ފެންވަރުގަ އެވެ.

ޙާމިދު ޝަފީޤް ވަނީ ނޭޝަނަލް ކައުންޓަ ޓެރަރިޒަމް ސެންޓަރުގެ ޑެޕިއުޓީ ޑިރެކްޓާރ ޖެނެރަލްކަންވެސް ކުރައްވާފައެވެ.