ޚަބަރު
ހަވާއެރުވުމާ ގުޅޭ ފަރިތަކުރުންތަކެއް މިރޭ ހުޅުމާލޭގައި
-
ހަވާއެރުވުމުގެ ފަރިތަކުރުންތައް މިރޭ 20:00 ގައި
-
ފަރިތަކުރުންތައް ކުރިއަށްދާނީ ފޭސް 2 ގެ 16 ވަނަ ޓަވަރު ސަރަޙައްދުގައި
ރިޔާސީ އައު ދައުރަކަށް މަރުޙަބާ ކިޔުމަށް ޖުމްހޫރީ މައިދާނުގައި ހަވާއެރުވުން / ފޮޓޯ: ޢަލީ ނަސީރު، ޕީއެސްއެމް
ހަވާއެރުވުމާގުޅޭ ފަރިތަކުރުންތަކެއް މިރޭ ހުޅުމާލޭގައި ކުރިއަށްދާނެކަމަށް ޤައުމީ ދިފާޢީ ބާރު، އެމް.އެން.ޑީ.އެފުން ވިދާޅުވެއްޖެއެވެ.
މިއީ އައު އަހަރު ފެށުން ފާހަގަކުރުމުގެ ގޮތުން ބޭއްވުމަށް ހަމަޖެހިފައިވާ ފަރިތަކުރުންތަކެއްކަމަށް އެމް.އެން.ޑީ.އެފުން ވިދާޅުވިއެވެ.
މި ފަރިތަކުރުންތައް ކުރިއަށްދާނީ މިރޭ 20:00 ގައި ހުޅުމާލޭ ފޭސް 2 ގެ ހިޔާ 16 ވަނަ ޓަވަރު ކައިރީގައެވެ.
ހަވަޔާއި ބަޑިބޭހުގެ ކުޅިވަރުތަކަކީ ގިނަ ބައެއްގެ ޝަޢުގު އެކަމަކަށް އޮންނަ ހަރަކާތްތަކެކެވެ. ރާއްޖޭގައިވެސް ޚާއްސަ އެކި މުނާސަބަތުތަކާ ގުޅުވާ ހަވާއެރުވުމަކީ ފަހަކަށް އައިސް އާއްމުކޮށް ކުރަމުން އަންނަ ކަމެކެވެ.
ޚިޔާލު ފާޅުކުރުމަށް ކަނޑައެޅިފައިވާ ވަގުތު ހަމަވެއްޖެ، ޝުކުރިއްޔާ