މައިލޯ އިންޓަރ ސްކޫލް ކްރިކެޓް ލީގްގެ 14 އަހަރުން ދަށު އުމުރުފުރާގެ ޗެމްޕިއަންކަން ތާޖުއްދީން ސްކޫލް ހޯދައިފިއެވެ.
މިބައިގެ ޗެމްޕިއަންކަން ތާޖުއްދީން ސްކޫލް ހޯދާފައިވަނީ މިއަދު ހެނދުނު ކުޅުނު ފައިނަލްގައި މުހިއްދީން ސްކޫލާ ވާދަކޮށް ފަސް ވިކެޓުން މެޗް ކާމިޔާބުކޮށްގެންނެވެ. ގުރު ދިމާވުމުން މުހިޔިއްދީން ސްކޫލް ކުޅެންއަރާ 12 އޯވަރު ހަމަވިއިރު 6 ކުޅުންތެރިން ނުބައިގެން ވަނީ 63 ލަނޑުހަދާފައެވެ. ޖަވާބުގައި ތާޖުއްދީން ސްކޫލް ކުޅެންއަރާ 10.2 އޯވަރުގެތެރޭގައި 5 ކުޅުންތެރިން ނުބައިވެގެން 64 ލަނޑުހެދިއެވެ.
img:http://s1.psmnews.mv/images/660x400/14614811305364.jpg|އިންޓަރ ސްކޫލް ކްރިކެޓް މުބާރާތުގެ 14 އަހަރުން ދަށުގެ ފައިނަލް (ފޯޓޯ: ކްރިކެޓް ބޯޑް)
މިމުބާރާތުގެ 12 އަހަރުންދަށުގެ ޗެމްޕިއަންކަން ހޯދާފައިވަނީ މުހިޔިއްދީން ސްކޫލްއެވެ. މިބައިގެ ޗެމްޕިއަންކަން މުހިޔިއްދީން ސްކޫލް ހޯދާފައިވަނީ ފައިނަލްގައި ބިލަބޮންގް އިންޓަނޭސަނަލް ސްކޫލާ ވާދަކޮށް 6 ވިކެޓުން މެޗް ކާމިޔާބުކޮށްގެންނެވެ. ގުރު ދިމާވުމުން ބިލަބޮންގް އިންޓަނޭޝަނަލް ކުޅެންއަރާ 8 އޯވަރު ހަމަވިއިރު 4 ކުޅުންތެރިން ނުބައިގެން ވަނީ 48 ލަނޑުހަދާފައެވެ. ޖަވާބުގައި މުހިޔިއްދީން ސްކޫލް ކުޅެންއަރާ 7.2 އޯވަރުގެތެރޭގައި 4 ކުޅުންތެރިން ނުބައިވެގެން 49 ލަނޑުހެދިއެވެ.
16 އަހަރުން ދަށުއުމުރުފުރާގެ ފައިނަލް އޮންނާނީ މާދަމާ ހެދުނު 9 ޖަހާއިރުއެވެ. މިމެޗްގައި ބައްދަލުކުރާނީ މުހިޔިއްދީން ސްކޫލާ އިސްކަންދަރު ސްކޫލްއެވެ. މިމުބާރާތުގެ ކުޅުން ކުރިއަށް ދާނީ ކުޅިވަރު އެކުވެނީގެ އެއްނަންބަރ ދަނޑުގައެވެ.