ޚަބަރު
އޮޔާދަނިކޮށް ފެނުނު މީހާ ހޮސްޕިޓަލަށް ގެންދިޔައިރުވެސް އޮތީ މަރުވެފައި
-
މަރުވެފައި ވަނީ އަންހެނެއް
-
އެނީ ދިވެއްސެއްކަމެއް ނުވަތަ ނޫންކަމެއް ހާމަނުކުރޭ
އައިޖީއެމްއެޗް - ފައިލް ފޮޓޯ: ޕީއެސްއެމް ނިއުސް
ސިނަމާލެ ބްރިޖް ކައިރިން އޮޔާ ދަނިކޮށް ފެނުނު މީހާ ހޮސްޕިޓަލަށް ގެންދިޔަ އިރުވެސް އޮތީ މަރުވެފައި ކަމަށް ފުލުހުން ވިދާޅުވެއްޖެއެވެ.
އައިޖީއެމްއެޗްއާ ހަވާލާދީ ފުލުހުން ވިދާޅުވީ، އެމިހާ ހޮސްޕިޓަލަށް ގެންދިޔައިރުވެސް މަރުވެފައިވާކަމަށާއި، އެއީ އަންހެނެއް ކަމަށެވެ. އެއަންހެން މީހާ އޮޔާ ދަނިކޮށް ފެނިގެން ފުލުހުންނަށް ރިޕޯޓްކޮށްފައިވަނީ މެންދުރު 12:35 އެހައިކަށްހާއިރު އެވެ.
މިއަދު މެންދުރު ހިނގި މިހާދިސާއާއި ގުޅިގެން ބަލަން ޖެހޭ ކަންކަން ފުލުހުން ބަލަމުންދާއިރު، މިކަމުގެ އިތުރު ތަފްސީލެއް ފުލުހުން ނެދެއްވައެވެ.
މަރުވެފައި އޮއްވާ ފެނުނީ ދިވެއްސެއްކަމެއް ނުވަތަ ބިދޭސީއެއްކަމެއްވެސް ފުލުހުން ހާމަކޮށްފައެއް ނުވެއެވެ.
ޚިޔާލު ފާޅުކުރުމަށް ކަނޑައެޅިފައިވާ ވަގުތު ހަމަވެއްޖެ، ޝުކުރިއްޔާ