ޚަބަރު
ބޭސްފަރުވާއަށް މާލެއައިސް އުޅުނު މީހެއްގެ ކޮޓަރިއަށްވަދެ ފޭރުނު މައްސަލައެއް ބަލަނީ
-
މިމައްސަލަ ފުލުހުންނަށް ރިޕޯޓުކޮށްފައިވަނީ އަންގާރަ ދުވަހު
-
މިހާތަނަށް މީހަކު ހައްޔަރުކޮށްފައެއް ނުވޭ
ފޭރިގެން ރިޕޯޓުކޮށްފައިވާ މީހާގެ އަތަށް އަނިޔާކޮށްފައި / ފޮޓޯ: ސޯޝަލް މީޑިއާ - ސަމާޙް އަޙްމަދު
ބޭސްފަރުވާއަށް މާލެއަށް އައިސްހުރި މީހަކު ކުއްޔަށްހުރި ކޮޓަރިއަށްވަދެ ބިރުދެއްކުމަށްފަހު، ފޭރުނު މައްސަލައެއް ފުލުހުން ބަލަން ފަށައިފިއެވެ.
ފުލުހުން ވިދާޅުވީ، ބޭސްފަރުވާއަށް މާލެއަށް އައިސްއުޅެނިކޮށް ކުށްޔަށް ހުރި ކޮޓަރިއަށްވަދެ އަނިޔާކޮށް ބިރުދައްކާ ފޭރިގެންފައިވަނީ ޢުމުރުން 62 އަހަރުގެ ދިވެހި ފިރިހެނެއްގެ އަތުން ކަމަށެވެ. މިމާރާމާރީގައި އޭނާގެ ފޯނާއި ފައިސާ ފޭރުނު މައްސަލަ ފުލުހަށް ރިޕޯޓުކޮށްފައިވަނީ އިއްޔެގެ ވަގުތެއްގައިކަމަށް ފުލުހުން ވިދާޅުވެއެވެ.
މިމައްސަލައާއި ގުޅިގެން އަދި މީހަކު ހައްޔަރުކޮށްފައި ނުވާކަމަށް ފުލުހުން ވިދާޅުވެއެވެ. އަދި މިމައްސަލަ މިހާރު ތަޙުގީގުކުރަމުންދާކަމަށްވެސް ދިވެހި ފުލުހުންގެ ޚިދުމަތުން ވިދާޅުވެއެވެ.
ޚިޔާލު ފާޅުކުރުމަށް ކަނޑައެޅިފައިވާ ވަގުތު ހަމަވެއްޖެ، ޝުކުރިއްޔާ