އިންޑިއާގެ ޚާރިޖީ ވަޒީރު އެމްޑީޕީގެ އިސްވެރިންނާއި ބައްދަލުކުރައްވައިފި

އިންޑިއާގެ ޚާރިޖީ ވަޒީރު ޑރ.ސުބްރަމާނިއަމް ޖަޔަޝަންކަރު، އެމްޑީޕީގެ އިސްވެރިންނާއި ބައްދަލުކުރައްވައިފިއެވެ.

އިންޑިއާގެ ޚާރިޖީ ވަޒީރާއެކު ބޭއްވެވި ބައްދަލުކުރެއްވުމުގައި އެމްޑީޕީގެ ރައީސް އަބްދުﷲ ޝާހިދު، ނައިބު ރައީސް ހިސާން ހުސައިން، ޕާލިމެންޓްރީ ގްރޫޕްގެ ލީޑަރު އިބްރާހިމް ނާޒިލް ބައިވެރިވެވަޑައިގެންނެވިއެވެ.

މި ބައްދަލުވުމާއި ގުޅޭގޮތުން އެމްޑީޕީން ނެރުނު ބަޔާނުގައި ބުނީ އިންޑިއާގެ ޚާރިޖީ ވަޒީރު ދިވެހި ރާއްޖެއަށް ކުރެއްވި ދަތުރުފުޅަށް އެމްޑީޕީގެ ރައީސް ޝުކުރު އަދާކުރެއްވިކަމަށެވެ. އަދި ދިވެހިރާއްޖެއާއެކު ވެފައިވާ އެއްބަސްވުންތައް އައުކުރުމާއި އިތުރު އެއްބަސްވުންތަކުގައި ސޮއިކުރުމާއި ގުޅިގެން އެކަމަށްވެސް އެމްޑީޕީގެ ރައީސް ޝުކުރު އަދާކުރެއްވިކަމަށް ބަޔާނުގައިވެއެވެ.

އެމްޑީޕީގެ ބަޔާނުގައި ވަނީ ދިވެހި ސަރުކާރުން އިންޑިއާއާއެކު ބާއްވަމުންދާ ގާތްގުޅުމަށް މަރުހަބާ ކިޔާފައެވެ. އަދި މިއީ ދެމެހެއްޓެނިވި މާނަހުރި ގުޅުމަކަށް ވާނެކަމަށް އުއްމީދު ކުރާކަމަށްވެސް އެ
ބަޔާނުގައިވެއެެވެ.