އެލައިޑް އިންޝުއަރެންސް ކޮންޕެނީގައި މަސައްކަތްކުރާމުވައްޒަފަކު އެކުންފުނީގެ ނަމުގައި ސައްޙަނޫން އިންޝުއަރެންސް ޕޮލިސީތަކެއްހަދައި 1 ލައްކަ އަށާވީސް ހާސް ރުފިޔާ ނަގާފައިވާކަމަށް ތުހުމަތު ކުރެވޭމައްސަލައެއް ފުލުހުން ތަޙުގީގު ކުރަން ފަށައިފި ކަމަށް މޯލްޑިވްސް ޕޮލިސްސަރވިސުން ހާމަކުރައްވައިފިއެވެ.
މޯލްޑިވްސް ޕޮލިސް ސަރވިސުން މަޢުލޫމާތު ދެއްވާ ގޮތުގައި މިއެއްލައްކަ އަށާވީސް ހާސް ރުފިޔާ އެމުއައްޒަފު ހޯދިކަމަށް ތުހުމްތު ކުރެވެނީ ސައްޙަނޫންއިންޝުއަރެންސް ޕޮލިސީތަކެއް ހަދައި އެޕޮލިސީތައް ވިއްކައިގެންނެވެ. މިމައްސަލައާ ގުޅިގެން 27 އަހަރުގެ ޒުވާނަކު ވަނީކޯޓު އަމުރެއްގެ ދަށުން ފުލުހުންގެ ބެލުމުގެ ދަށަށް ގެންދަވާފައެވެ.
މިމައްސަލަ މޯލްޑިވްސް ޕޮލިސް ސާވިސް އަށްހުށަހަޅާފައިވަނީ މިދިޔަ ހަފްތާގައެވެ. މިމައްސަލަ ތަޙްޤީޤު ކުރިޔަށްގެންދިއުމުގައި މިމީހާގެ ބަންދަށް ފަސްދުވަހުގެ މުއްދަތެއް ކޯޓުން ޖަހާދީފައިވާކަމަށް މޯލްޑިވްސް ޕޮލިސް ސަރވިސުން މައުލޫމާތު ދެއްވައެވެ.