މޯލްޑިވްސް ޓްރާންސްޕޯޓް އެންޑް ކޮންޓްރެކްޓިންގ ކޮމްޕެނީ، އެމްޓީސީސީން އިތުރަށް ޙިއްޞާ ވިއްކުމަށް ތައްޔާރުވަމުން އަންނަކަމަށް އެކުންފުނީގެ ސީއީއޯ، އިބްރާހީމް ޢަބްދުއްރައްޒާޤު ޙަލީމް ވިދާޅުވެއްޖެއެވެ.
ޕީއެސްއެމްއަށް މަޢުލޫމާތު ދެއްވަމުން އިބްރާހީމް ޢަބްދުއްރައްޒާޤު ވިދާޅުވީ ޙިއްޞާ ވިއްކުމާ ގުޅޭގޮތުން ގޮތެއް ނިންމުމަށް މިއަހަރުގެ އޮގަސްޓްމަހުގެ ތެރޭގައި ކުންފުނީގެ އެކްސްޓްރާ އޯޑިނަރީ ޖެނެރަލް މީޓިންއެއް ބޭއްވުމަށް ތައްޔާރުވަމުން އަންނަކަމަށާއި އަމާޒަކީ މިއަހަރު ނިމުމުގެ ކުރިން ޙިއްޞާ ވިއްކުން ކަމަށް ޢަބްދުއްރައްޒާޤު ވިދާޅުވިއެވެ.
އެމްޓީސީސީން އެންމެ ފުރަތަމަ ޙިއްޞާ ވިއްކާފައިވަނީ 1980 އަދި 1981 ވަނަ އަހަރުއެވެ. އޭގެ ފަހުން 1984 ވަނަ އަހަރުވެސް އެމްޓީސީސީން ޙިއްޞާ ވިއްކާފައިވެއެވެ.
ޚިޔާލު ފާޅުކުރުމަށް ކަނޑައެޅިފައިވާ ވަގުތު ހަމަވެއްޖެ، ޝުކުރިއްޔާ