ދުވާފަރަށް 4ޖީ ތައާރަފްކުރުން / އިތުރު 3 ރަށަކަށް ދިރާގުން ވަނީ 4 ޖީ ތަޢާރަފްކޮށްފައި
ދިރާގު ބްރޯޑްބޭންޑް އިންޓަރނެޓް މުޅި ރާއްޖެއަށް ދިނުމުގެ މަޝްރޫޢުގެ ދަށުން ދިރާގުގެ 4ޖީ-އެލް.ޓީ.އީގެ ޚިދުމަތް އިތުރު 3 ރަށަކަށް ތަޢާރަފްކޮށްފިއެވެ.
މި ޚިދުމަތް އަލަށް ތަޢާރަފްކުރި ރަށްތަކަކީ، ޅ.ހިންނަވަރު، ނ. ވެލިދޫ، އަދި ރ.ދުވާފަރެވެ. ދިރާގުގެ ޕަބްލިކް ރިލޭޝަންސް މެނޭޖަރ އިމްޖާދު ޖަލީލު ވިދާޅުވީ، މީހުން ދިރިއުޅޭ އިތުރު ގިނަ ރަށްތަކަކަށް މިއަހަރުގެ ތެރޭގައި ދިރާގު 4ޖީގެ ޚިދުމަތް ފުޅާ ކުރައްވަން ރާވާފައިވާކަމަށެވެ.
ދިރާގުން މިހާރު ވަނީ، ރާއްޖޭގެ ބޮޑު ސަރަހައްދަކަށް 4ޖީ-އެލް.ޓީ.އީގެ ޚިދުމަތް ފުޅާކޮށްފައެވެ. މީގެ އިތުރުން ރާއްޖޭގެ މީހުން ދިރިއުޅޭ ހުރިހާ ރަށަކަށް ދިރާގުން ވަނީ 3 ޖީގެ ޚިދުމަތްވެސް ފޯރުކޮށްދީފައެވެ.
ޚިޔާލު ފާޅުކުރުމަށް ކަނޑައެޅިފައިވާ ވަގުތު ހަމަވެއްޖެ، ޝުކުރިއްޔާ