ލަންކާގައި އުޅޭއިރު ދިވެހީން ކުރާ ކުށްތައް ތަހުޤީޤު ކުރުމުގައި ލަންކާފުލުހުންނަށް އެހީތެރިކަން ފޯރުކޮށްދެއްވުމާއި ބެހޭގޮތުން މަޝްވަރާ ކުރައްވައިފިއެވެ.
މިކަމާއިމެދު މަޝްވަރާ ކުރައްވާފައިވަނީ ސްރީލަންކާއިން ރާއްޖެއަށްކަނޑައަޅުއްވާފައި ހުންނަވާ ސަފީރު މޭޖާ ޖެނެރަލް އަޝޯކާ ތޮރަދެނިޔާއާއިއެކު ކޮމިޝަނަރއޮފް ޕޮލިސް އަޙުމަދު އަރީފް ބޭއްވެވި ބައްދަލު ކުރެއްވުމެއްގައެވެ.
ޙުސައިން އާދަމް ބިލްޑިންގްގައި ބޭއްވެވި މި ބައްދަލުކުރެއްވުމުގައި ދެ ބޭފުޅުންވަނީ،ލަންކާގައި ދިރިއުޅެމުންދާއިރު ދިވެހިން ކުރާ ކުށްތަކާއި ދިވެހިންނާ ގުޅޭ މައްސަލަތައްތަހުޤީޤު ކުރުމުގައި ދިވެހި ފުލުހުންނަށް އެހީތެރިކަން ފޯރުކޮށްދީ މަޢުލޫމާތުބަދަލު ކުރުުމާއި ބެހޭ ގޮތުން މަޝްވަރާ ކުރައްވާފައެވެ. މީގެ އިތުރުން، ރާއްޖޭގައިދިރިއުޅޭ ލަންކާ ރައްޔިތުންނާއި ގުޅޭ މައްސަލަތައް ތަހުޤީޤު ކުރުމުގައި ލަންކާފުލުހުންނަށް އެހީތެރިކަން ފޯރުކޮށްދެއްވުމުގައި ޢަމަލު ކުރައްވާނެ ގޮތްތަކާއިބެހޭ ގޮތުންވެސް މި ބައްދަލުވުމުގައި މަޝްވަރާކުރައްވާފައިވާކަމަށް ފުލުހުންވިދާޅުވެއެވެ.
މި ބައްދަލުކުރެއްވުމުގައި އަރީފް ވަނީ، ދިވެހި ފުލުހުންނަށް ބޭނުންވާތަމްރީނު ލަންކާއިން ލިބޭނެ ގޮތްތަކާއި ދެ ޤައުމުގެ ތަޙުޤީޤީ ދާއިރާތަކުންގުޅިގެން މަސައްކަތް ކުރެވޭނެފަދަ ފަސޭހަ ގޮތްތަކެއް އިންތިޒާމު ކޮށްދެއްވުމަށްލަންކާގެ ސަފީރުގެ އަރިހުން އެދިވަޑައިގެންފައެވެ.
ލަންކާ ސަފީރު ވިދާޅުވީ ދިވެހި ފުލުހުންނަށް ހުރިހާ ދާއިރާއަކުން ވެސްތަމްރީނުގެ ފުރުޞަތުތައް އިތުރަށް ހޯއްދަވައި ދެއްވުމަށް މަސައްކަތް ކޮށްދެއްވާނެކަމަށެވެ.