ތަފާތު އުމުރުފުރައިގެ މީހުންނަށް ހާއްސަ ހަރަކާތްތަކާއެކު "ފަތުރުވެރި އާއިލީ ހަވީރު" ބާއްވައިފި

ފަތުރުވެރި އާއިލީ ހަވީރުގެ ނަމުގައި ފަތުރުވެރިކަމާއި ބެހޭ ވުޒާރާއިން ޚާއްސަ ހަވީރެއް ބާއްވައިފިއެވެ.

މި ހަވީރު އޮތީ މިއަދު ހަވީރު 4:00 އިން 6:00 އަށެވެ.

މި ހަވީރު އޮތީ ހުޅުމާލޭ ފޭސް އެކެއްގެ ގޮނޑުދޮށް ސަރަހައްދުގައެވެ. މި ހަވީރަކީ ވޭތުވެދިޔަ އެއް އަހަރުތެރޭ ފަތުރުވެރިކަމާއި ބެހޭ ވުޒާރާއިން ހާސިލްކޮށްފައިވާ ކާމީިޔާބީތައް ފާހަގަކުރުމުގެ ގޮތުން ބޭއްވި ޢާއިލީ ހަވީރެކެވެ.

މި ޢާއިލީ ހަވީރުގެ ހަރަކާތްތައް އިންތިޒާމްކޮށްފައިވަނީ ދެމެހެއްޓެނިވި ފަތުރުވެރިކަމަށެވެ. މިހަވީރުގައި ކުރިއަށް ގެންދިޔަ ހަރަކާތްތަކުގެ މައިގަނޑު ޝިއާރަކީ ގުދުރަތީ ވެއްޓާއި ކަނޑެވެ. އެގޮތުން މިތީމަށް ކުރެހުމާއި، ކްރާފްޓް އެކްޓިވިޓީތަކާއި، އެއްފަހަރު ބޭނުންކޮށްފައި އުކާލާ ޕްލާސްޓިކް ބޭނުން ކުރާ ހަރަކާތްތައް ވަނީ ކުރިއަށްގެންގޮސްފައެވެ.

މީގެ އިތުރުން މޫދު ކުޅިވަރުތައް ކަމަށްވާ ބަނާނާ ބޯޑާއި، ޖެޓް ސްކީ އާއި ފަން ޓިއުބް ހަރަކާތްވެސް ވަނީ ކުރިއަށްގެންގޮސްފައެވެ. އަދި ކުޑަކުދިންގެ ބައެއް ހަރަކާތްތައްވެސް ވަނީ ބާއްވާފައެވެ. މި ހަރަކާތައް ބޮޑު ތަރުހީބެއް ލިބިފައިވާކަމަށް ފަތުރުވެރިކަމާއި ބެހޭ ވުޒާރާއިން ވަނީ ވިދާޅުވެފައެވެ.