ނޭޝަނަލް ޝޫޓިން ސްޕޯޓްސް ޗެމްޕިއަންޝިޕް 2024 ގެ އެއަރ ރައިފަލް ފިރިހެނުންގެ އިވެންޓުގެ އެއްވަނަ އިބްރާހިމް ޝިފާން އަދި އަންހެން އިވެންޓުގެ އެއްވަނަ އައިޝަތު ޔޫހާ އިމްތިޔާޒް ހޯދައިފިއެވެ.
ތިން ކެޓަގަރީއަކަށް ބަހާލައިގެން މި މަހުގެ 1 އިން 22 އަށް ކުރިޔަށްގެންދިޔަ މި މުބާރާތުގެ ވަނަތަކަށް އައި ފަރާތްތަކަށް އިނާމު ދިނުމަށް ބޭއްވި ހަފްލާގައި ސްޕޯޓްސް ކޮމިޝަނަރ މުހައްމަދު ތަލާލް ބައިވެރިވަޑައިގެންނެވެ.
މި މުބާރާތުގެ އެއާ ރައިފަލް ފިރިހެން އިވެންޓްގެ 2 ވަނަ ހޯދީ އަބުދުﷲ މުހައްމަދެވެ. 3 ވަނަ ހޯދީ މުހައްމަދު ޒަޔާން ޒާހިރެވެ. އެއާ ރައިފަލް އަންހެން އިވެންޓުގެ ދެވަނަ ހޯދީ އައިމިނަތު ޒާރާ އަހުމަދެވެ. ތިން ވަނަ ހޯދީ ޝަރަފިއްޔާ އަބްދުއްރަހުމާނެވެ. އެއާ ރައިފަލް މޭންސް ޖޫނިއާ އިވެންޓުގެ އެއްވަނަ ހޯދީ އަހުމަދު މާއިދް މުހައްމަދެވެ. ދެވަނަ ހޯދީ ހަސަން ނާޖިހް ނަޖްމީއެވެ. ތިންވަނަ ހޯދީ އަބުދުﷲ ނަބާހް އަހުމަދެވެ.
ކޮންމެ ކެޓަގަރީއެއްގައިވެސް އަންހެން ރައިފަލް، އަންހެން ޕިސްޓަލް، ފިރިހެން ރައިފަލް އަދި ފިރިހެން ޕިސްޓަލް ހިމެނޭހެން ކުރިޔަށް ގެންދިޔަ މި މުބާރާތުގައި
އެއާ ރައިފަލް މެންސް ޓީމް ޖޫނިއާ އިވެންޓުން އެއްވަނަ ހޯދީ އަހުމަދު މާއިދު މުހައްމަދާއި ހަސަން ނާޖިހް ނަޖްމީގެ ޕެއާއެވެ. ދެވަނަ ހޯދީ މުހަންމަދު މިންހާލް މުސްލިހު އާއި އިސްމާއިލް އަޒާން އަހުމަދެވެ. ތިންވަނަ ހޯދީ މުހައްމަދު ރާއިފް އަހުމަދާއި އަހުމަދު އައްޒާމް އާރިފެވެ.
އެއާ ރައިފަލް މެންސް ޔޫތް އިވެންޓުން އެއްވަނަ ހޯދީ މުހައްމަދު ނާޖިހު އިސްމާއިލް ޝަފީގާއި، މުހައްމަދު ކިޔާން އަހުމަދެވެ. ދެވަނަ ހޯދީ ޒަލޫފް ޖުނާހް އާއި އަޔާން އިލްޔާސްއެވެ. 3 ވަނަ ހޯދީ ރަޔާން މުހައްމަދު ރަމިޒް އާއި އިޒްޔާން އިބްރާހިމް ލަތީފެވެ.
މުޅި މުބާރާތުގައި 30 އިވެންޓުން ހިމެނޭއިރު ކޮންމެ ކެޓަގަރީއަކުންވެސް ކޮންމެ މީހަކަށްވެސް 3 އިވެންޓުގައި ބައިވެރިވުމުގެ ފުރުޞަތު ލިބޭ ގޮތަށް ކުރިޔަށް ގެންދިޔަ މި މުބާރާތް ކުރިއަށް ގެންގޮސްފައިވަނީ އިންޓަރނޭޝަނަލް ސްޕޯރޓްސް ޝޫޓިން ފެޑަރޭޝަންގެ ޤަވާއިދާ އެއްގޮތަށެވެ.
ނޭޝަނަލް ޝޫޓިން ސްޕޯޓްސް ޗެމްޕިއަން ޝިޕް 2024 ކުރިޔަށް ގެންދިޔައީ ސްޕޯރޓްސް މިނިސްޓްރީ އާއި ޑިފެންސް މިނިސްޓްރީގެ ދުރުހަމަ އަދި ހެޔޮއެދޭ ފަރާތްތަކުގެ އެހީތެރިކަމާ އެއްބާރުލުމާއެކުގައެވެ.