މިއަހަރުގެ މިހާތަނަށް ޒަކާތު ފަންޑަށް 90 މިލިޔަން ރުފިޔާ ލިބިއްޖެ: ވަޒީރު ޑރ. ޝަހީމް
-
މި އަހަރަކީ ޒަކާތު ފަންޑަށް އެންމެ ގިނައިން ފައިސާ ލިބުނު އަހަރު
-
އަމާޒަކީ މިއަހަރު ނިމޭއިރު ޒަކާތު ފަންޑު 100 މިލިޔަން ރުފިޔާއާ ހަމައަށް ގެންދިޔުން
މި އަހަރަކީ ޒަކާތު ފަންޑަށް އެންމެ ގިނައިން ފައިސާ ލިބުނު އަހަރުކަމަށް އިސްލާމީ ކަންތައްތަކާ ބެހޭ ވަޒީރު ޑރ. މުހައްމަދު ޝަހީމް އަލީ ސަޢީދު ވިދާޅުވެއްޖެއެވެ.
ވަޒީރު މިފަދައިން ވިދާޅުވީ ރައީސުލްޖުމްހޫރިއްޔާ ޑރ. މުޙައްމަދު މުޢިއްޒުގެ ސަރުކާރަށް 1 އަހަރު ފުރުމާ ގުޅިގެން ޕީއެސްއެމް ނިއުސްއިން ގެނެސްދިން "ހަފްތާ 52" ޕްރޮގްރާމްގައި އެ ވުޒާރާއިން ކުރައްވާ ފައިވާ މަސައްކަތްތައްކުގެ މަޢުލޫމާތު ހިއްސާކުރައްވަމުންނެވެ.
އިސްލާމީ ކަންތައްތަކާ ބެހޭ ވަޒީރު ޑރ. މުޙައްމަދު ޝަހީމް އަލީ ސަޢީދު ވިދާޅުވީ މިއަހަރަކީ ރާއްޖޭގެ ތާރީޚުގައިވެސް ފުރަތަމަ ފަހަރަށް ޒަކާތު ފަންޑަށް ގިނަ ޢަދަދަކަށް ފައިސާ ލިބުނު އަހަރުކަމަށެވެ. މިގޮތުން މިއަހަރުގެ މިހާތަނަށް ޒަކާތު ފަނަށްޑަށް 90 މިލިޔަނަށް ވުރެ ގިނަ ރުފިޔާ ލިބިފައިވާކަމަށާއި އަމާޒަކީ މިއަހަރު ނިމޭއިރު ޒަކާތު ފަންޑު 100 މިލިޔަން ރުފިޔާއާ ހަމައަށް ގެންދިޔުންކަމަށް ވަޒިރު ވިދާޅުވިއެވެ. މީގެ އިތުރުން ވަޒީރު ވަނީ ޒަކާތު ފަންޑު މިހާރަށް ވުރެ ބޮޑަށް ތަރައްޤީކުރުންކަމަށް ވަޒިރު ވިދާޅުވިއެވެ.
"މިއަހަރަކީ ރާއްޖޭގެ ތާރީޚުގައިވެސް ފުރަތަމަ ފަހަރަށް ޒަކާތު ފަންޑަށް ގިނަ ޢަދަދަކަށް ފައިސާ ލިބުނު އަހަރު. މިއީ ސަރުކާރުގެ އެއް އަހަރުގެ ތެރޭގައި ދީނީ ދާއިރައިން ހާސިލްކުރި ބޮޑު ކާމިޔާބީއެއް."އިސްލާމީ ކަންތައްތަކާ ބެހޭ ވަޒީރު ޑރ. މުޙައްމަދު ޝަހީމް އަލީ ސަޢީދު ވިދާޅުވިއެވެ.
ޒަކާތު ފަންޑުން، ނިކަމެތިންނަށް އެހީތެރިވުމަށާއި، މުޖުތަމަޢުގައި ޙާލުގައި ޖެހިފައިތިބި މީހުންނަށް އެހީތެރިވުމަށާއި، ކިޔަވައިދިނުމަށާއި، ބޭސްފަރުވާ ކުރުމަށް ޚަރަދުކުރެއެވެ.
ޒަކާތު ފަންޑު ތަރައްޤީކޮށް، ޒަކާތުން ބައެއް ޝަރީޢާ ހުއްދަކުރާ ދާއިރާތަކުން އިންވެސްޓްކޮށް، ޒަކާތު ފަންޑު އިތުރުކޮށް، އޭގެ ނަފާ ބެހެނިވެރިންނަށް ފުޅާ ދާއިރާއެއްގައި ލިބޭނެގޮތް ހެދުމަކީ ރައީސުލްޖުމްހޫރިއްޔާ ޑރ. މުޙައްމަދު މުޢިއްޒުގެ ރިޔާސީ ވަޢުދުފުޅެކެވެ.
މިގޮތުން ކުރެވޭ މަސައްކަތްތަކުގެ ތެރެއިން "ދިވެހިރާއްޖޭގެ ޒަކާތު ހައުސް"ގެ ނަމުގައި ސަރުކާރުގެ ޚާއްސަ އިދާރާއެއް ވަނީ ޤާއިމްކޮށްފައެވެ. ދިވެހިރާއްޖޭގެ ޒަކާތު ހައުސްގެ މައިގަނޑު މަސައްކަތްތަކުގެ ތެރޭގައި ޒަކާތް ބަލައިގަތުމުގެ އިންތިޒާމު ހަމަޖެއްސުމާއި، ޒަކާތް ޙައްޤުވާ ފަރާތްތަކަށް ޒަކާތް ދޫކުރުމުގެ އިންތިޒާމުތައް ހަމަޖެއްސުމާއި، ކަމާބެހޭ އިދާރާތަކާ ގުޅިގެން، ފަޤީރުންނާއި މިސްކީނުންގެ ދަފުތަރު އެކުލަވައިލައި އަދާހަމަކޮށް ބެލެހެއްޓުން ހިމެނެއެވެ. ހަމައެހެންމެ ރާއްޖޭގެ ޒަކާތު ފަންޑުގެ މަންފާ ދެމެހެއްޓެނިވި ގޮތެއްގައި ލިބިދިނުމަށްޓަކައި، އެ ފަންޑު ތަރައްޤީކޮށް ކުރިއެރުވުމަށް މަސައްކަތްކުރުންވެސް ހިމެނެއެވެ.