ޚަބަރު
މ.ނިޔަނދުރުމާގޭގެ ގުދަނުގައި ރޯވި އަލިފާން ނިއްވާލައިފި
-
ހާދިސާގައި އެއްވެސް މީހަކަށް ގެއްލުމެއް ނުލިބޭ
މ. ނިޔަނދުރުމާގެ ދިހަވަނަ ފަންގިފިލާގައި އަލިފާން ރޯވުން / ފޮޓޯ: ޕީއެސްްއެމް ނިއުސް
މ. ނިޔަނދުރުމާގެ ދިހަވަނަ ފަންގިފިލާގައި ހުރި ގުދަނެއްގައި ރޯވި އަލިފާން، އެމްއެންޑީއެފް ފަޔަރ އެންޑް ރެސްކިޔު ސަރވިސްއިން ނިއްވާލައިފިއެވެ.
އެމްއެންޑީއެފުން ވިދާޅުވީ ނިޔަނދުރުމާގޭގައި އަލިފާން ރޯވިކަމުގެ ރިޕޯޓު 17:55 ހާއިރު އެމްއެންޑީއެފް ފަޔަރ އެންޑް ރެސްކިޔު ސަރވިސްއަށް ލިބުމާއެކު ފަޔަރ ފައިޓަރުން އެ ސަރަހައްދަށް ގޮސް އަލިފާން ނިއްވުމުގެ މަސައްކަތް ކުރިކަމަށެވެ. އެގޮތުން، ކުރި މަސައްކަތުން އެ ގޭގެ ގުދަނުގައި ރޯވި އަލިފާން ނިއްވާލެވުނީ މިރޭ 19:45 ހާއިރުއެވެ.
މ. ނިޔަނދުރުމާގެ ދިހަވަނަ ފަންގިފިލާގައި އަލިފާން ރޯވުން / ފޮޓޯ: ޕީއެސްްއެމް ނިއުސް
މި ހާދިސާގައި އެއްވެސް މީހަކަށް ގެއްލުމެއް ނުލިބޭކަމަށްވެސް އެމްއެންޑީއެފްއިން ވިދާޅުވެއެވެ.