މާލޭގެ ކާރޫބާރޫ ބޮޑެތި މަގުތަކުގައި ޤަވާއިދާ ޚިލާފަށް ޕާކުކޮށްފައި ހުންނަ އުޅަނދުތައް ނަގަނީ
-
ކާރޫބާރޫ ބޮޑު 6 މަގެއް ފުލުހުން ވަނީ ފާހަގަކޮށްފައި
މާލޭގެ ކާރޫބާރޫ ބޮޑެތި މަގުތަކުގައި ޤަވައިދާ ހިލާފަށް ޕާކުކޮށްފައި ހުންނަ އުޅަނދުތައް ނެގުމުގެ މަސައްކަތް ކުރަމުންގެންދާކަމަށް ދިވެހި ފުލުހުންގެ ޚިދުމަތުން ވިދާޅުވެއްޖެއެވެ.
ދިވެހި ފުލުހުންގެ ޚިދުމަތުން ވިދާޅުވީ، މާލޭގެ ކާރޫބާރޫ ބޮޑު ބައެއް މަގުތަކުގެ ތެރޭގައި ހިމެނޭ ބޮޑުތަކުރުފާނު މަގު، އަމީނީ މަގު، މަޖީދީ މަގު، އޯކިޑް މަގު، އަމީރު އަޙްމަދު މަގު އަދި ސޯސަން މަގުގައި އާންމު ދަތުރުފަތުރަށާއި ޕަބްލިކް ޓްރާންސްޕޯޓަށް ދަތިވާގޮތައް ގަވައިދާ ހިލާފަށް ޕާކުކޮށްފައި ހުންނަ އުޅަނދުތައް ޓޯވ ކުރުމުގެ މަސައްކަތް ފަށާފައިވާކަމަށެވެ.
މާލޭގެ ކާރޫބާރޫ ބޮޑު މަގުތަކުގެ 2 ފަރާތުގައި ޤަވައިދާ ހިލާފަށް ގިނަ އުޅަނދުތައް ޕާކުކޮށްފައި ހުރެއެވެ. މީގެ ސަބަބުން ހިނގާބިނގާވާ މީހުންނާއި މަގު ބޭނުންކުރާ މީހުންނަށް ވަރަށް ބޮޑެތި ދަތިތަކާއި ކުރިމަތިލާންޖެހެއެވެ. ފުލުހުން ވިދާޅުވީ މާލޭގެ މަގުތަކުގެ ސަލާމަތާއި ރައްކާތެރިކަން ކަށަވަރުކޮށް، މަގުތައް ތަރުތީބު ކުރުމަށް ފުލުހުން ކުރަމުންދާ މަސައްކަތްތަކަށް އާންމު ރައްޔިތުން ދެމުންދާ އެއްބާރުލުން ލިބެކަމަށެވެ. އަދި އެކަމަށްޓަކައި އާއްމުންނަށް ޝުކުރު އަދާކުރާކަމަށްވެސް ފުލުހުން ވިދާޅުވެއެވެ.