ޚަބަރު
ލ.ލިންކު ރޯޑުގައި ސައިކަލެއް ކޮންޓްރޯލްނުވެ ހިނގި އެކްސިޑެންޓުގައި ޒުވާނަކު ނިޔާވެއްޖެ
-
ނިޔާވީ 30 އަހަރުގެ ޒުވާނެއް
-
އެކްސިޑެންޓު ހިނގީ ރޭ ދަންވަރު
ހައްދުންމަތީ ބޮޑު މަގު--
ލ. މާންދޫގައި ސައިކަލެއް ކޮންޓްރޯލްނުވެ ހިނގި އެކްސިޑެންޓެއްގައި ޒުވާނަކު ނިޔާވެއްޖެއެވެ.
ފުލުހުންގެ ޚިދުމަތުން ވިދާޅުވީ، ލ. ލިންކް ރޯޑުގެ މާންދޫ ބެންޑު ސަރަހައްދުން ސައިކަލެއް ކޮންޓްރޯލްނުވެގޮސް އެކްސިޑެންޓެއް ހިނގައިގެން ރޭ ދަންވަރު 01:40 ހާއިރު ފުލުހުންނަށް ރިޕޯޓްކޮށްފައިވާކަމަށެވެ.
މި އެކްސިޑެންޓުގައި އަނިޔާވި ލ. މާބައިދޫ ސޫރަޖުވިލާ ޢުމުރުން 30 އަހަރުގެ އިބްރާހީމް ނައުޒަމް ހޮސްޕިޓަލަށް ގެންގޮސް ފަރުވާދެމުންދަނިކޮށް މިއަދު ހެނދުނު 08:45 ހާއިރު ނިޔާވެފައިވާކަމަށް ފުލުހުން ވިދާޅުވިއެވެ.
މި ހާދިސަ ފުލުހުން ގެންދަނީ ތަހުގީގްކުރައްވަމުންނެވެ.
ޚިޔާލު ފާޅުކުރުމަށް ކަނޑައެޅިފައިވާ ވަގުތު ހަމަވެއްޖެ، ޝުކުރިއްޔާ