ހަކަތައިގެ ދާއިރާގައި ހުރި ކަންތައްތައް ތަންފީޒުކުރުމަށާއި، އެކަންތައްތައް ރާއްވަވައި ހިންގެވުމަށް އެހީތެރިވުމުގެ ގޮތުން ސާރކް އެނަރޖީ ސެންޓަރާއި މިނިސްޓްރީ އޮފް އެންވަޔަރަންމަންޓް އެންޑް އެނަރޖީ ގުޅިގެން ބޭއްވި މަސައްކަތު ބައްދަލުވުން ނިންމަވާލައްވައިފިއެވެ.
ސާރކް އެނަރޖީ ސެންޓަރާއި މިނިސްޓްރީ އޮފް އެންވަޔަރަންމަންޓް އެންޑް އެނަރޖީ ގުޅިގެން މި މަހުގެ 2 އިން 3 އަށް ބޭއްވި ހަކަތައިގެ ދާއިރާގެ ތަފާސްހިސާބު އެއްކޮށް ބެލެހެއްޓުމާއި ބެހޭ ޓްރެއިނިންގައި 6 މުއައްސަސާއަކުން 15 ބައިވެރިން ބައިވެރިވެފައިވެއެވެ.
ދެ ދުވަހުގެ މުއްދަތަށް ކުރިއަށްގެންދިޔަ "ޓްރެއިނިންގ އޮން އެނަރޖީ ސްޓެޓިސްޓިކްސް ފޮރ މޯލްޑިވްސް" ނިއްމުމުގެ ރަސްމިއްޔާތުގައި މިނިސްޓަރ ޠާރިޤް އިބްރާހީމް ދެއްކެވި ވާހަކަފުޅުގައި ރާއްޖޭގެ ހަކަތައިގެ ދާއިރާގެ މަސައްކަތްކުރައްވާ ބޭފުޅުންނަށް މިފަދަ ޓްރެއިނިންތަކުގެ މުހިއްމުކަން ފާހަގަކުރެއްވިއެވެ. އަދި މިފަދަ ޓްރެއިނިންތަކުގެ ސަބަބުން ހަކައިތައިގެ ދާއިރާގައި ކަންތައް ރާއްވަވާ ހިންގެވުމަށް މުހިއްމު މަޢުލޫމާތުކެއް ލިބިގެންދާކަމަށް ވިދާޅުވިއެވެ.
މި ޓްރެއިނިންގައި މަޢުލޫމާތު ދެއްވާފައިވަނީ ޕާކިސްތާން ސަރުކާރުގެ ކޭޕީ އިކޮނޮމިކް ޒޯން ޑިޕާޓްމަންޓް އެންޑް މެނޭޖްމަންޓް ކޯޕަރޭޝަންގައި ޗީފް އިންފޮމޭޝަން އޮފިސަރގެ މަޤާމުގައި މަސައްކަތް ކުރައްވާ ބޭފުޅެއް ކަމަށްވާ ޑރ. ސާހިބްޒާދާ ޢަލީ މަހްމޫދެވެ.