ކަނޑުގެ ސަރަހައްދުގެ ރައްކާތެރިކަން ކަށަވަރުކުރުމާއި ގުޅޭގޮތުން ލަންކާއާއި ރާއްޖެއާ ދެމެދު މަޝްވަރާތަކެއް

ފުރަމާނަ ދަތުރުފުޅެއްގައި މިހާރު ރާއްޖެ ވަޑައިގެން އުޅުއްވާ ސްރީލަންކާގެ ރައީސް އަނުރާ ކުމާރާ ޑިސަނާޔަކާގެ އަރިހަށް ދިފާޢީ ވަޒީރު މުޙައްމަދު ޣައްސާން މައުމޫން އިޙްތިރާމުގެ ޒިޔާރަތެއް ކުރައްވައިފިއެވެ.

ލަންކާގެ ރައީސްގެ އަރިހަށް ދިފާޢީ ވަޒީރު ކުރެއްވި އިޙްތިރާމުގެ ޒިޔާރަތުގައި، ކަނޑު ސަރަހައްދުގެ ސަލާމަތާއި ރައްކާތެރިކަމާގުޅޭ މަޝްވަރާތައް ކުރެއްވިއެވެ. މިގޮތުން މިދާއިރާއިން ދެ ޤައުމު ދެމެދު ގުޅުން ބަދަހިކޮށް، މިހާރު އެކުލަވާފައިވާ ފްރޭމްވޯކްތައް އިތުރަށް ވަރުގަދަ ކުރުމަށާއި ދެ ޤައުމު ގުޅޭ ސަރަހައްދުގެ ކަނޑުތަކުގެ ސަލާމަތާއި ރައްކާތެރިކަން ކަށަވަރުކުރުމަށް މަޝްވަރާތައް ކުރެވިފައިވެއެވެ.

Minister of Defence @mgmaumoon paid a courtesy call on His Excellency Anura Kumara Dissanayake, President of the Democratic Socialist Republic of Sri Lanka, earlier today.

During the meeting, both parties engaged in discussions aimed at enhancing bilateral defence cooperation… pic.twitter.com/8eQyUGUApE

— Ministry of Defence (@MoDmv) July 29, 2025

ރާއްޖެއާއި ލަންކާ ދެމެދު ކަނޑުގެ ސަރަހައްދުގެ ރައްކާތެރިކަމާއި ގުޅޭ މަޝްވަރާތަކެއް ކުރެވިފައިވާއިރު ޤަވާއިދާ ޚިލާފަށް ރާއްޖޭގެ ކަނޑުގެ ސަރަހައްދުން ކުރެވޭ މަަސްވެރިކަން ހުއްޓުވުމަށް ލަންކާއިން އެއްބާރުލުން ދޭނެ ކަމުގެ ޔަޤީންކަން ސްރީލަންކާގެ ރައީސް ވަނީ މި ދަތުރުފުޅުގެ ތެރެއިން ބޭއްވި ބައްދަލުވުންތަކުގައި އަރުވާފައެވެ.

ދެދުވަހުގެ މުއްދަތަށް ލަންކާގެ ރައީސް ކުރައްވާ، ދަތުރުރުފުޅުގައި، މުހިންމު ދައިރާތަކުން ގުޅުން ބަދަހިކުރުމަށް ދެ ޤައުމު ދެމެދު މަތީ ފަންތީގެ މަޝްވަރާ ބައްދަލުވުންތަކެއް ބާއްވަވާފައެވެ.