ސްރީލަންކާ މީހުންނަށް ރާއްޖެއިން 90 ދުވަހުގެ އޮން އެރައިވަލް ވިސާ ދޭން ފަށައިފި

ރާއްޖެއަށް އަންނަ ސްރީލަންކާ މީހުންނަށް ވެސް 90 ދުވަހުގެ އޮން އެރައިވަލް ވިސާ ދޭން ފަށައިފިއެވެ.

އިމިގްރޭޝަނުން ވިދާޅުވީ މިއީ ސްރީލަންކާގެ ރައީސް އަނޫރާ ކުމާރަ ޑިސެނަޔަކަ ރާއްޖެއަށް ކުރެއްވި ފުރަމާނަ ދަތުރުފުޅުގައި ރައީސުލްޖުމްހޫރިއްޔާ ޑރ. މުހައްމަދު މުއިއްޒުއާ އެކު ކުރެއްވި މަޝްވަރާތަކަށް ފަހު ނިންމި ނިންމުމެއްކަމަށެވެ. އިއްޔެއިން ފެށިގެން ސްރީލަންކާ މީހުންނަށް ރާއްޖެއިންވެސް 90 ދުވަހުގެ އޮން އެރައިވަލް ވިސާ މިހާރު ލިބޭނެއެވެ.

Effective 30th July 2025, Sri Lankan citizens will now be granted a 90-day free on-arrival visa when visiting the Maldives.

This decision follows discussions between President Dr. @MMuizzu and President @anuradisanayake during the Sri Lankan President’s ongoing state visit to… pic.twitter.com/s2xjFTDP3R

— Maldives Immigration (@ImmigrationMV) July 30, 2025

އިމިގްރޭޝަނުން ވިދާޅުވީ ސްރީލަންކާއަށްދާ ދިވެހިންނަށް މި އަހަރުގެ ޖެނުއަރީ މަހުން ފެށިގެން 90 ދުވަހުގެ އޮން އެރައިވަލް ވިސާ ދެމުން އަންނަކަމަށެވެ. އަދި މި ނިންމުންތަކުން ދައްކުވައިދެނީ ދެ ގައުމުގެ ގާތް ގުޅުންކަންވެސް އިމިގްރޭޝަނުން ފާހަގަކުރައްވައެވެ.

ރާއްޖެއިން ސްރީލަންކާ މީހުންނަށް ވިސާގެ މުއްދަތު އިތުރުކޮށްދީފައި ވާއިރު ލަންކާގައި ވަޒީފާ އަދާކުރާ ނުވަތަ މަތީ ތައުލީމް ހާސިލްކުރާ ދިވެހިންގެ އަނބިން/ފިރިންނަށް ވެސް އެއް އަހަރުގެ ވިސާ ލިބޭ ގޮތް ވަނީ ހަމަޖައްސައިފައެވެ. އަދި މީގެ އިތުރުން އަންނަ މަހުން ފެށިގެން ދިވެހިންނަށް އެއް އަހަރުގެ ވިސާ ދޭން ލަންކާއިން ފަށާނެ ކަމަށް އެ ގައުމުން ވަނީ ބުނެފައެވެ.