"އިންޑިޔާއާ އޮތީ ތާރީޚީ ގާތް ގުޅުމެއް"

އިންޑިޔާގެ ޖުމްހޫރީ ދުވަހުގެ ތަޙުނިޔާއާއި އޮސްޓްރޭލިއާ ޑޭގެ ތަޙުނިޔާ ރައީސުލްޖުމްހޫރިއްޔާގެ ނައިބު އަލްއުސްޠާޛް ޙުސައިން މުޙައްމަދު ލަތީފް ފޮނުއްވައިފިއެވެ.

ސޯޝަލް މީޑިއާގައި ވަކިވަކިން ކުރެއްވި ޕޯސްޓުގައި ރައީސުލްޖުމްހޫރިއްޔާގެ ނައިބު ވިދާޅުވީ އިންޑިޔާގެ ޖުމްހޫރީ ދުވަހުގެ ތަޙުނިޔާ އެ ޤައުމުގެ ނައިބު ރައީސް ސީ. ޕީ ރާދަކްރިޝްނަންއަށާއި އެކުވެރި އިންޑިޔާގެ ރައްޔިތުންނަށް އަރިސްކުރާކަމަށެވެ.

ދުވަހުގެ މުނާސަބާގައި އެޤައުމަށް އިތުރު ތަރައްޤީއާއި ފާގަތިކަމަށް ނައިބު ރައީސް އެދިލެއްވިއެވެ. ޖުމްހޫރީ ދުވަސް ފާހަގަކުރަމުންދާއިރު، އިންޑިޔާގެ ރައްޔިތުންނަށް ފުރިހަމަ މިނިވަންކަމާއި އުފާ ފާގަތިކަމަށް އެދިވަޑައިގަންނަވާކަމަށް ނައިބު ރައީސް ވިދާޅުވިއެވެ. އިންޑިޔާއާއި ރާއްޖެއާ ދެމެދު އޮތީ ތާރީޚީ ގާތް ގުޅުމެއް ކަމަށާއި، މި ގުޅުމަކީ ދެޤައުމުގެ ރައްޔިތުންނަށްވެސް ގިނަ ފައިދާތަކެއް ލިބިގެންދާ ގުޅުމެއް ކަމަށް ނައިބު ރައީސް ފާހަގަކުރެއްވިއެވެ. ނައިބު ރައީސް ވަނީ ކުރިމަގުގައި ގުޅުން އިތުރަށް ބަދަހިވެގެންދާނެ ކަމަށް އުއްމީދުކުރައްވާ ކަމަށް ވިދާޅުވެފައެވެ.

It gives me great pleasure to convey my greetings and good wishes to Vice President HE Shri C. P. Radhakrishnan @VPIndia, the Government and the friendly people of India on the 77th Republic Day of India. India’s constitutional journey as a republic holds many inspirational… pic.twitter.com/oYzgXlgsNw

— Hussain Mohamed Latheef (@HucenSembe) January 26, 2026

މީގެއިތުރުން އޮސްޓްރޭލިއާ ދުވަހުގެ މުނާސަބާގައި ދުވަހުގެ ތަހުނިއްޔާ ރައީސުލްޖުމްހޫރިއްޔާގެ ނައިބު ހުސެއިން މުހައްމަދު ލަތީފް އެޤައުމުގެ ރައްޔިތުންނަށް ފޮނުއްވާފައެވެ.

މީސްމީޑިއާގައި ހިއްސާކުރެއްވި ޕޯސްޓެއްގައި ރައީސުލްޖުމްހޫރިއްޔާގެ ނައިބު ވަނީ ދުވަހާއި ގުޅިގެން އޮސްޓްރޭލިއާ ސަރުކާރަށާއި ރައްޔިތުންނަށް ދުވަހުގެ ތަހުނިއްޔާ ފޮނުއްވާފައެވެ. އަދި ދުވަހުގެ މުނާސަބާގައި އެޤައުމަށް އިތުރު ތަރައްޤީއާއި ފާގަތިކަމަށް ނައިބު ރައީސް އެދިލެއްވިއެވެ.

ރައީސުލްޖުމްހޫރިއްޔާގެ ނައިބު ވަނީ ދިވެހިރާއްޖެއާއި އޮސްޓްރޭލިއާ ދެމެދު އިތުރު ގުޅުން ބަދަހިވެ، ދެ ޤައުމަށް ފައިދާވާގޮތަށް ގުޅިގެން މަސައްކަތް ކުރުމަށް އިތުރު ފުރުޞަތުތައް ލިބިގެންދާނެ ކަމަށް އުއްމީދުކުރައްވާ ކަމަށް ވިދާޅުވެފއެވެ.

އޮސްޓްރޭލިއާ ދުވަސް ފާހަގަކުރަނީ ކޮންމެ އަހަރެއްގެ ޖަނަވަރީ 26 ވަނަ ދުވަހުއެވެ. ދިވެހިރާއްޖެއާއި އޮސްޓްރޭލިއާއާ ދެމެދު ޑިޕްލޮމެޓިކް ގުޅުން ޤާއިމްކުރެވުނީ 1974 ވަނަ އަހަރުގެ ޖެނުއަރީ 25 ވަނަ ދުވަހުއެވެ.