ހަކަތައިގެ ރައްކާތެރިކަން ކަށަވަރުކުރުމަކީ ތަރައްޤީއަށް މުހިންމުކަމެއް: ރައީސް

ހަކަތައިގެ ރައްކާތެރިކަން ކަށަވަރުކުރުމަކީ ތަރައްޤީއަށް މުހިންމުކަމެއްކަމަށް ރައީސުޖުމްހޫރިއްޔާ ޑރ.މުޙައްމަދު މުޢިއްޒު ވިދާޅުވެއްޖެއެވެ.

ރައީސުލްޖުމްހޫރިއްޔާ މިފަދައިން ވިދާޅުވީ، ސާފު ހަކަތައިގެ ދުވަހުގެ މުނާޞަބަތުގައި ސޯޝަލް މީޑިއާގައި ހިއްސާކުރެއްވި ޕޯސްޓެއްގައެވެ.

މި ޕޯސްޓުގައި ރައީސުލްޖުމްހޫރިއްޔާ ވިދާޅުވީ ހަކަތައިގެ ރައްކާތެރިކަން ކަށަވަރުކުރުމަކީ، ގައުމުގެ ތަރައްޤީއަށް މުހިންމުކަމެއްކަމަށެވެ. އެގޮތުން، މޫސުމަށް އަންނަ ބަދަލުތަކުގެ ސަބަބުންނާއި، ތިމާވެށްޓަށް އަންނަ ބަދަލުތަކުގެ ސަބަބުން ކުރިމަތިވާ ގޮންޖެހުންތަކުން އަރައިގަތުމުގެ އިތުރުން، ތަޢުލީމާއި، ޞިއްޙީ ޚިދުމަތާއި، އިޤްތިޞާދީ ފުރުޞަތުތައް މީގެސަބަބުން އިތުރުވެގެންދާނެކަމަށް ރައީސް ވިދާޅުވިއެވެ.

ރައީސްގެ މެސެޖުގައި، ބައިނަލްއަޤްވާމީ ފެންވަރުގައި ތިމާވެށްޓާއި ރައްޓެހި ހަކަތައިގެ ދައުރުގެ މުހިންމުކަން ހަނދާންކޮށްދެއްވިއެވެ. އަދި 2028 ވަނަ އަހަރު ނިމިގެންދާއިރު، ރާއްޖޭގައި ބޭނުން ކުރާ ކަރަންޓު ހަކަތައިގެ 33 އިންސައްތައަކީ، އިޔާދަކުރަނިވި ހަކަތައަށް ހެދުމަކީ އަދުގެ ސަރުކާރުން ވަރުގަދަ ޢަޒުމެއްގައި ކަނޑައަޅުއްވާފައި އޮތް އަމާޒެއްކަން ރައީސުލްޖުމްހޫރިއްޔާ ފާހަގަކުރެއްވިއެވެ.

On this International Day of Clean Energy, we are reminded of the vital role clean energy plays in our lives and in building a healthier, more sustainable planet.

Energy security is essential to our development. Clean energy not only drives climate action, but also strengthens… pic.twitter.com/hW2DghzEC3

— Dr Mohamed Muizzu (@MMuizzu) January 26, 2026

ރައީސުލްޖުމްހޫރިއްޔާގެ މެސެޖު ނިންމަވާލައްވާލެއްވީ، ދުނިޔެ ހިމާޔަތްކުރުމަށްޓަކައި، އިއާދަކުރަނިވި ހަކަތައަށް ބަދަލުވުމަށް ކުރެވޭ މަސައްކަތް ހަރުދަނާކޮށް، އެންމެން އެކުގައި މަސައްކަތްކުރުމަށް ގޮވާލައްވަމުންނެވެ.