ދިރާސީ އައު އަހަރުގެ ތަހުނިޔާ ފަސްޓްލޭޑީ ސާޖިދާ ފޮނުއްވައިފި

ދިރާސީ އައު އަހަރުގެ ހެޔޮ އެދުމާއި، ތަހުނިޔާ ރައީސުލްޖުމްހޫރިއްޔާގެ އަނބިކަނބަލުން ސާޖިދާ މުހައްމަދު ފޮނުއްވައިފިއެވެ.

ސޯޝަލް މީޑިއާގައި ހިއްސާކުރެއްވި ޕޯސްޓެއްގައި، ރައީސުލްޖުމްހޫރިއްޔާގެ އަނބިކަނބަލުން ސާޖިދާ މުހައްމަދު ވަނީ، މި ފެށުނު ދިރާސީ އަހަރަކީ، ކޮންމެ ކިޔަވާ ކުއްޖަކަށްވެސް ފާގަތި، ބާއްޖަވެރި އަހަރަކަށް ވުން އެދި ދުޢާ ދަންނަވާފައެވެ.

އަދި ދިރާސީ އައު އަހަރުގެ ހެޔޮ އެދުމާއި ތަހުނިޔާ ދަރިވަރުންނާއި ބެލެނިވެރިންނާއި ތަޢުލީމީ ދާއިރާގެ އެދުރުންގެ އިތުރުން، ހިންގުންތެރިންނާއި އެހީތެރިންނަށް އަރިސްކުރާކަމަށް ވިދާޅުވިއެވެ.

ކޮންމެ ކިޔަވާ ކުއްޖަކަށްވެސް މިއީ ފާގަތި، ބާއްޖަވެރި އަހަރަކަށް ވުން އެދި ހެޔޮ ދުޢާކުރަން. ދިރާސީ އައު އަހަރުގެ ހެޔޮ އެދުމާއި ތަހުނިޔާ ދަރިވަރުންނާއި ބެލެނިވެރިންނާއި ތަޢުލީމީ ދާއިރާގެ އެދުރުންނާއި ހިންގުންތެރިންނާއި އެހީތެރިންނަށް އަރިސްކުރަން. pic.twitter.com/ltS2o7FBY6

— First Lady Sajidha Mohamed (@sajidhaamohamed) January 27, 2026

މީގެ 4 އަހަރު ކުރިން ދިރާސީ އަހަރުގެ ކިޔެވުން އަހަރުގެ މެދުތެރޭގައި ފަށާގޮތަށް އޮތް އޮތުން ބަދަލުކުރުމަށްފަހު މިއަދު ވަނީ، ފުރަތަމަ ފަހަރަށް ޖަނަވަރީ މަހުގައި ދިރާސީ އަހަރުގެ ކިޔެވުން ފަށާފައެވެ.

މިއަހަރުގެ ދިރާސީ އަހަރުގެ ކިޔެވުން ފަށާއިރު ސަރުކާރުގެ 218އެއްހާ ސްކޫލްގައި 77،000އަށް ވުރެ ގިނަ ދަރިވަރުން ތަޢުލީމު ހާސިލްކުރަމުން ދާނެކަމަށް ތަޢުލީމީ ވުޒާރާއިން ވިދާޅުވެއެވެ.