ރާއްޖޭގައި ފުޓްސަލް ކުރިއެރުވުމަށް އެންމެ ބުރަ މަސައްކަތްތަކެއް ކުރަމުން އަންނަ އަމިއްލަ ޖަމިއްޔާ ކަމަށްވާ، ގޯލްޑަން ފުޓްސަލް އެސޯސިއޭޝަން އިން، ރާއްޖޭގެ ޤައުމީ ފުޓްސަލް ޓީމުން ހޯދި ކާމިޔާބީ ފާހަގަކޮށް، ކުޅުންތެރިންގެ އަގުވަޒަން ކޮށްފިއެވެ.
ގޯލްޑަން ފުޓްސަލް އަކީ، ރާއްޖޭގައި ފުޓްސަލްގެ ފޯރި ކެނޑުނަ ނުދީ، ފުޓްސަލް ކުޅޭނެ ވާދަވެރި ޕްލެޓްފޯމެއް ގާއިމްކޮށްދިނުމުގައި ރާއްޖޭގައި ނަމޫނާ ޖަމާއަތެކެވެ. ގޯލްޑަން ފުޓްސަލް ޗެލެންޖުގެ ސަބަބުން، ރާއްޖޭގައި ތިބި މި ކުޅިވަރުގެ ހުނަރުވެރިން ދެނެގަނެވި، ކުޅުންތެރިން އިތުރަށް ކުރިއަރައި ދިނުމަށް މަގުފަހިވެ، އެހީތެރިވެދެއެވެ.
އެކަން ޤައުމީ ޓީމުގެ ކުޅުންތެރިންނާއި އޮފިޝަލުންގެ އިތުރުން، ފުޓްސަލް ކޮމިއުނިޓީންނާއި ގުޅުންހުރި އިދާރާތަކުން ވެސް ބަލައިގަނެ، ފާހަގަކުރެއެވެ.
ޤައުމީ ފުޓްސަލް ޓީމުން ހޯދި މި ކާމިޔާބީގައި ބޮޑު ޝުކުރެއް ގޯލްޑަން ފުޓްސަލް އެސޯސިއޭޝަނަށް ލިބޭއިރު، އެ ޖަމިއްޔާއިން ވަނީ، އެ ޖަމިއްޔާއިން މި ކާމިޔާބީއާ މެދު ނުހަނު ފަޚުރުވެރިވެ، އުފާވާކަން ހާމަކޮށްފައެވެ.
މީގެއިތުރުން، މި މަހުގެ 28 ވަނަ ދުވަހު ކުރިއަށްދިޔަ ގޯލްޑަން ފުޓްސަލް ޗެލެންޖުގެ މެޗުތަކުގެ ތެރެއިން އެ އެސޯސިއޭޝަނުން ވަނީ، ޤައުމީ ފުޓްސަލް ޓީމުގެ އަގުވަޒަންކޮށް، ކުޅުންތެރިންނާއި ކޯޗިން ޓީމަށް އަދި އޮފިޝަލުންނަށް ހަނދާނީ ފިލައެއް އަރުވާފައެވެ.
ޖުމްލަ ހަތް ގައުމަކުން ވާދަކުރި ސާފް ފުޓްސަލް ޗެމްޕިއަންޝިޕުގެ ޗެމްޕިއަންކަން ރާއްޖެއިން ހޯދީ، ކުޅުނު ހުރިހާ މެޗަކުން ވެސް މޮޅުވެ، ސައްތައިންސައްތަ މޮޅުވުމުގެ ރެކޯޑަކާ އެކުއެވެ.