އެފްއޭއެމުން ޝާއިއު ކޮށްފައިވާ ޕޯސްޓަރު
ރާއްޖޭގެ 20 އަހަރުން ދަށުގެ ގައުމީ ފުޓްބޯޅަ ޓީމަށް ކުޅުންތެރިން ހޮވަން ހާއްސަ އޯޕަން ސެޝަނެއް ބާއްވަން ނިންމައިފި އެވެ.
ރާއްޖޭގައި ބާއްވާ ސާފް 20 އަހަރުން ދަށުގެ މުބާރާތުގައި ބައިވެރިވާ ގައުމީ ޓީމަށް ކުޅުންތެރިން ހޮވަން ބާއްވާ މި އޯޕަން ސެޝަން އޮންނާނީ މާދަމާ ގަލޮޅު ރަސްމީ ދަނޑުގަ އެވެ.
ފުޓްބޯޅަ އެސޯސިއޭޝަން އޮފް މޯލްޑިވްސް އިން ބުނީ މި ހާއްސަ ސެޝަނުގައި 2007 އާއި 2008 އަދި 2009ގައި އުފަންވެފައިވާ ހުރިހާ ކުޅުންތެރިންނަށް ބައިވެރިވެވޭނެ ކަމަށެވެ.
ސާފް 20 އަހަރުން ދަށުގެ ފުޓްބޯޅަ މުބާރާތުގައި ރާއްޖެ ހިމެނެނީ ނޭޕާލާއި ބޫޓާނާއި ސްރީލަންކާ އެވެ. ގްރޫޕް ބީގައި ހިމެނެނީ އިންޑިޔާ އާއި ބަނގްލަދޭޝް އާއި ޕާކިސްތާނެވެ.
މި މުބާރާތް މާލޭގައި ބާއްވާނީ މާޗު މަހުގެ 23 އިން އޭޕްރީލް މަހުގެ ހަތަރަކަށެވެ.