މައިލޯ ރަމަޟާން ކުރިކެޓު ކާނިވާ: ފިނޮޅާއި މީޓިއޮސް ފައިނަލަށް

ކުރިކެޓް ބޯޑް އޮފް މޯލްޑިވްސް (ސީބީއެމް)އިން އިންތިޒާމުކޮށްގެން ކުރިއަށްދާ މައިލޯ ރަމަޟާން ކުރިކެޓު ކާނިވަލުގެ އޯޕަން ޓޭޕް ބޯޅަ މުބާރާތުގައި ފައިނަލުގެ ޖާގަ އެއް ފިނޮޅާއި، މީޓިއޮސް ކަށަވަރުކޮއްފިއެވެ.

މާފަންނު ކުޅިވަރު އެކުވެނީ އެއްނަންބަރު ކުރިކެޓް ދަނޑުގައި ކުރިއަށްދާ މުބާރާތުގެ ފުރަތަމަ ސެމީފައިނަލުގައި ދިވެހި ސިފައިންގެ ކުލަބާ ވާދަކޮށް ފިނޮޅު މެޗު ކާމިޔާބު 46 ލަނޑުންނެވެ.
ގުރުދިމާވުމުން ފިނޮޅުން ކުޅެންއަރާ 8 އޯވަރުގެ ތެރޭގައި 2 ކުޅުންތެރިން ނުބައިވެގެން ހެދިފަވަނީ 139 ލަނޑެވެ. އެޓީމުން އެންމެ ރަނގަޅަށް ކުޅުނީ 14 ބޯޅައިން 33 ލަނޑު ހެދި ހުސެއިން ރިމާޒްއެވެ.

ޖަވާބުގައި ސިފައިންގެ ޓީމުން ކުޅެންއަރާ 8 އޯވަރުގެ ތެރޭގައި 2 ކުޅުންތެރިން ނުބައިވެގެން ހެދުނީ 93 ލަނޑެވެ. އެޓީމުން އެންމެ ރަނގަޅަށް ކުޅުނީ 28 ބޯޅައިން 36 ލަނޑު ހެދި މުހައްމަދު ޝަރީފެވެ.

ސެމީގެ ދެވަނަ މެޗު މީޓިއޮސް ކާމިޔާބު ކުރީ ނާލި އެކްސްޗޭންޖާ ވާދަކޮށް ސުޕައޯވަރަކަށް ގޮސްގެންނެވެ. ދެޓީމުން ވެސް ކުޅެންއަރާ 8 އޯވަރުގެ ތެރޭގައި އެއް އަދަދަކަށް ލަނޑު ހެދުމުން ކުޅުނު ސުޕަރ އޯވަރުގައި ނާލި ޓީމުން ކުޅެންއާ 3 ބޯޅައިން އެންމެ ލަނޑެއް ވެސް ނުހެދުނެވެ. މީޓިއޮސް އިން ކުޅުން އަރާ އެންމެ ބޯޅައަކުން ލަނޑެއް ހަދާ މެޗު ކާމިޔާބުކޮށް މުބާރާތުގެ ފައިނަލުގެ ޖާގަ ކަށަވަރުކުރިއެވެ.