ޢީދު ބައިބަލާ ޗެލެންޖު 1447ގައި ޒެޕޯ ނިއުޖެނެރޭޝަން އާއި ޓީސީ ފްރެޓަރނިޓީ ބައްދަލުކުރި މެޗުގެ ތެރެއިން -- ފޮޓޯ: ބައިބަލާ އެސޯސިއޭޝަން
ޢީދު ބައިބަލާ ޗެލެންޖު 1447ގައި ޒެޕޯ ނިއުޖެނެރޭޝަން ބަލިކޮށް ޓީސީ ފްރެޓަރނިޓީ މުބާރާތުގެ ދެވަނަ ބުރަށް ދަތުރުކޮށްފިއެވެ.
ހުޅުމާލޭގައި ކުރިއަށްދާ މުބާރާތުގައި ޒެޕޯގެ މައްޗަށް ޓީސީ ފްރެޓަރނިޓީ ކުރި ހޯދީ، ފުރަތަމަ 2 ގޭމް އެއްވަރުވެ، ގަދަ ހިފުމަށް ގޮސްގެނެވެ.
ގަދަ ހިފުމުގެ 5 ގޭމްގެ ތެރެއިން ފުރަތަމަ 4 ގޭމް ނިމުނީ 2-2 އެއްވަރުވެގެންނެވެ. އަދި ފަހު ހިފުމުން ގުރުދިމާވުމުން ޓީސީ ފްރެޓަރނިޓީ މޮޅުވީ ބޭރުނަގައިގެން ބޭރުން އަރާ ކުޅުންތެރިއާ ނުބައިކޮށްލައިގެންނެވެ.
މިމެޗުގެ މޮޅުކުޅުންތެރިއަކަށް ހޮވިފައިވަނީ ޓީސީގެ ޔައިޝް ބިން ހުސައިން ޒުހައިރުއެވެ. މިމެޗުން މޮޅުވުމާއެކު ޓީސީ ވަނީ މުބާރާތުގެ ދެވަނަ ބުރަށް ދަތުރުކޮށްފައެވެ.