ތައިލެންޑްގެ ވިޔަފާރިތަކަށް، ރާއްޖޭގައި ހުރި އިންވެސްޓްމެންޓް ފުރުޞަތުތައް އިތުރަށް ހުޅުވާލުމާއި ގުޅޭގޮތުންނާއި، އިމްޕޯޓް އެކްސްޕޯޓް ވިޔަފާރީގައި ދިމާވާ ދަތިތަކާއި ގުޅޭގޮތުން ދެ ޤައުުމުގެ ޖޮއިންޓް ޓްރޭޑް ކޮމިޓީގެ 2 ވަނަ ބައްދަލުވުމުގައި މަޝްވަރާކުރެއްވުމަށް ހަމަޖެހިފައިވާކަން އިކޮނޮމިކް މިނިސްޓްރީން ހާމަކުރައްވައިފިއެވެ.
ތައިލެންޑާއި ރާއްޖެއާއި ދެމެދު އެކުލަވާލައްވާފައިވާ އެގްރީމެންޓް އޮން ޓްރޭޑް އެންޑް އިކޮނޮމިކް ކޯރޕަރޭޝަންގެ ދަށުން އުފައްދަވާފައިވާ ޖޮއިންޓް ޓްރޭޑް ކޮމިޓީގެ 2 ވަނަ ބައްދަލުވުން މިމަހުގެ 12 ން 13 އަށް ރާއްޖޭގައި ބޭއްވެވުމަށް ހަމަޖެހިފައިވާއިރު، މި ބައްދަލުވުމުގައި ތައިލެންޑްގެ މިނިސްޓަރ އޮފް ކޮމަރސް، އަޕިރާދި ޓަންޓްރަޕޯން ބައިވެރިވެވަޑައިގަންނަވާނެއެވެ.
ހޮޓެލް ޖެންގައި ބޭއްވެވުމަށް ހަމަޖެހިފައިވާ މި ބައްދަލުވުމާއި ގުޅޭގޮތުން މަޢުލޫމާތު ދެއްވަމުން އިކޮނޮމިކް މިނިސްޓްރީގެ ބިޒްނަސް ޑިވެލޮޕްމަންޓް ކޮންސަލްޓަންޓް، ނުހާ މުޙައްމަދު ވިދާޅުވީ ރާއްޖެއާއި ތައިލެންޑާއި ދެމެދު ވިޔަފާރީގެ ގުޅުން އިތުރަށް ބަދަހި ކުރުމަށް ކުރެއްވެން ހުރި މަސައްކަތްތަކާއި ގުޅޭގޮތުން މި ބައްދަލްވުމުގައި މަޝްވަރާ ކުރައްވާނެ ކަމަށެވެ.
ޖޮއިންޓް ޓްރޭޑް ކޮމިޓީގެ ފުރަތަމަ ބައްދަލުވުން ބާއްވަވާފައިވަނީ 2013 ވަނަ އަހަރު ތައިލެންޑްގައެވެ.