ޚަބަރު
މާލޭގެ ގެއެއްގައި އަލިފާނުގެ ހާދިސާއެއް ހިނގައި މީހަކަށް ފަރުވާދެނީ
-
އަލިފާން މިހާރުވަނީ ނިއްވާލާފައި، މިހާރު ކުރަމުންދަނީ ދުން ބޭރުކުރުމުގެ މަސައްކަތް
މއ.ސުއްކަތުރާގޭގައި މިއަދު ހިނގި އަލީާފނުގެ ހާދިސާ / ފޮޓޯ: އެމްއެންޑީއެފް
މއ. ސުއްކަތުރާގޭގައި މިއަދު ހިނގި އަލިފާނުގެ ހާދިސާގައި ދުމުގެ އަސަރު ކޮށްގެން މީހަކަށް ހޮސްޕިޓަލުގައި ފަރުވާދެމުން އަންނަކަމަށް އެމްއެންޑީއެފުން ވިދާޅުވެއްޖެއެވެ.
އެމްއެންޑީއެފުން ވިދާޅުވީ ސުއްކަތުރާގޭގައި އަލިފާނުގެ ހާދިސާއެއް ހިނގައިގެން އުޅޭކަމުގެ މަޢުލޫމާތު އެމްއެންޑީއެފަށް ލިބިފައިވަނީ މިއަދު ހެނދުނު 10:20 އެހާކަށްހާއިރުކަމަށެވެ. މިހާދިސާގައި އަލިފާން ރޯވެފައިވަނީ އެގޭގެ ބަދިގެއާއި ސިޓިންރޫމް ހިމެނޭ ބައިގައިހުރި ކަބަޑު ސެޓެއްގެ ތިރީ ބައިގައެވެ.
ސުއްކަތުރާގޭގައި ރޯވި އަލިފާން މިހާރު ނިއްވާލެވިފައިވާ ކަމަށާއި މިހާރު ކުރަމުންދަނީ ދުން ބޭރުކުރުމުގެ މަސައްކަތްކަމަށްވެސް އެންއެންޑީއެފުން ވިދާޅުވެއެވެ.