ހުރަވަޅީގައި ތަރައްޤީކުރާ ކަނޑު އަޑީގެ ރެސްޓޯރެންޓް - ފޮޓޯ: ހުރަވަޅި
ދުނިޔޭގެ އެންމެ ބޮޑު ކަނޑު އަޑީގެ ރެސްޓޯރެންޓާއި އެކު ޅ.އަތޮޅު ހުރަވަޅީގައި ތަރައްޤީކުރާ ރިސޯޓް އަންނަ ޑިސެމްބަރ މަހުހުޅުވުމަށް ތައްޔާރުވަމުން އަންނަ ކަމަށް އެރިސޯޓު ތަރައްޤީކުރާ ފަރާތުން ބުނެފިއެވެ.
ހުރަވަޅި މޯލްޑިވްސްގެ ނަމުގައި ހުޅުވާ މި ރިސޯޓްގައި ޗުއްޓީ ހޭދަކުރަން ބޭނުންވާ ފަރާތްތަކަށް ބުކިންގ ހެދުމުގެ ފުރުސަތު މިހާރުވަނީ ހުޅުވާލާފައެވެ.
90 ކޮޓަރީގެ މި ރިސޯޓުގައި 3 ރެސްޓޯރެންޓް ހުންނަ އިރު، އޭގެ ތެރެއިން އެއް ރެސްޓޯރެންޓަކީ މޫދު އަޑީގައި ޤާއިމްކޮށްފައިވާ ރެސްޓޯރެންޓެކެވެ.
މި ރެސްޓޯރެންޓަކީ ދުނިޔޭގައި މިހާތަނަށް ހުޅުވާ އެންމެ ބޮޑު ކަނޑު އަޑީގެ ރެސްޓޯރެންޓެވެ. އެގޮތުން މި ރެސްޓޯރެންޓްގައި އެއްފަހަރާ 24 މީހުންނަށް ޚިދުމަތް ދެވޭނެއެވެ.
ޚިޔާލު ފާޅުކުރުމަށް ކަނޑައެޅިފައިވާ ވަގުތު ހަމަވެއްޖެ، ޝުކުރިއްޔާ